Actor Raghu Babu: యాక్సిడెంట్ కేసులో నటుడు రఘుబాబుకు బెయిల్‌

Actor Raghu Babu: నల్గొండ రోడ్డు ప్రమాదం కేసులో నటుడు రఘుబాబుకు బెయిల్‌ మంజూరు అయింది. ఈ నెల 17న నల్గొండ శివారులో రఘుబాబు కారు ఢీకొని వ్యక్తి మృతి చెందాడు. మృతుడి కుటుంబ సభ్యుల ఫిర్యాదు మేరకు రఘుబాబుపై కేసు నమోదు చేశారు. రఘుబాబును కోర్టులో హాజరుపరిచారు నల్గొండ టూటౌన్‌ పోలీసులు. ఈ కేసులో వెంటనే సినీనటుడు రఘుబాబు బెయిల్‌పై విడుదల అయ్యారు.

ALSO READ: సీఎం జగన్‌పై ఎన్నికల సంఘానికి ఫిర్యాదు

అసలేం జరిగింది..

నల్గొండలో విషాదం చోటుచేసుకుంది. అద్దంకి -నార్కట్ పల్లి హైవేపై బైక్‌ను సినీ నటుడు రఘుబాబు కారు ఢీ కొట్టింది. ఈ ప్రమాదంలో నల్గొండ బీఆర్ఎస్ పట్టణ కార్యదర్శి సంధినేని జనార్ధన్‌ రావు మృతి చెందారు. ప్రమాద సమయంలో కారులోనే రఘుబాబు ఉన్నట్లు తెలుస్తోంది. 50 మీటర్ల దూరం బైక్‌ను కారు లాక్కెళ్లినట్లు స్థానికులు తెలిపారు.