Beauty Tips : గంధంతో అందం మీ సొంతం కావాలంటే...ఇలా వాడి చూడండి..!!

భారతీయ గృహాలలో, గంధాన్ని మతపరమైన ఆచారాలలో మాత్రమే కాకుండా ముఖాన్ని కాంతివంతం చేయడానికి కూడా ఉపయోగిస్తారు. చర్మంపై మచ్చలు, మొటిమలు, పొడిబారడాన్ని తగ్గించడంలో సహాయపడే అనేక ఔషధ గుణాలు చందనంలో ఉన్నాయి. కాబట్టి ఆయుర్వేదంలో దీనికి చాలా ప్రాముఖ్యత ఉంది.శతాబ్దాలుగా, ప్రజలు తమ శరీరాలపై చందనం పూసుకుని స్నానం చేస్తున్నారు. ఇందులో ఉండే యాంటీ బ్యాక్టీరియల్ గుణాలు చర్మ సంబంధిత సమస్యలను దూరం చేస్తాయి. గంధాన్ని పాలలో కలిపి అప్లై చేయడం వల్ల చర్మం మెరుగుపడుతుంది. పెళ్లిళ్ల సీజన్‌లో ఈ ఫేస్ ప్యాక్‌ను ఎక్కువగా ఉపయోగిస్తారు.

డార్క్ ప్యాచ్‌లను వదిలించుకోండి:
బలమైన సూర్యరశ్మికి గురికావడం వల్ల చర్మం దెబ్బతింటుంది. దీంతో చర్మంపై నల్లటి మచ్చలు ఏర్పడతాయి . ఒక చెంచా గంధపు పొడిని ఒక చెంచా పాలు, చిటికెడు పసుపు కలిపి ఫేస్ ప్యాక్ సిద్ధం చేసుకోండి. దీన్ని మీ ముఖానికి బాగా పట్టించి 20 నిమిషాల తర్వాత చల్లటి నీటితో కడగాలి. డార్క్ ప్యాచ్‌లు మాయమవుతాయి.

చర్మాన్ని హైడ్రేట్ చేస్తుంది:
హైడ్రేషన్ లోపించడం వల్ల చర్మం పొడిబారుతుంది. దీని వల్ల అనేక రకాల సమస్యలు మొదలవుతాయి. చందనంలో ఉండే నూనె చర్మం పొడిబారడాన్ని తొలగిస్తుంది . ఒక చెంచా గంధపు పొడిలో రెండు చెంచాల రోజ్ వాటర్ కలపడం ద్వారా సన్నని పేస్ట్‌ను సిద్ధం చేయండి. తర్వాత దూదితో ముఖానికి పట్టించి, ఆరిన తర్వాత చల్లటి నీటితో శుభ్రం చేసుకోవాలి.

సన్ టాన్ తొలగిస్తుంది:
సన్ టానింగ్ తొలగించడంలో చందనం ఫేస్ ప్యాక్ చాలా మేలు చేస్తుంది. ఒక చెంచా నారింజ తొక్క పొడి, ఒక చెంచా గంధపు పొడి, రెండు చెంచాల పెరుగు కలిపి చిక్కటి పేస్ట్‌లా చేసుకోవాలి. దీన్ని ముఖానికి పట్టించి ఆరిన తర్వాత చల్లటి నీటితో శుభ్రం చేసుకోవాలి. ఇలా చేయడం వల్ల చర్మానికి మెరుపు వస్తుంది. డార్క్ స్పాట్స్ తొలగిపోతాయి.

స్కిన్ ఇన్ఫెక్షన్ తొలగించడానికి తులసి ఫేస్ ప్యాక్ ఇలా చేయండి:
గంధం చర్మంపై మంటను తగ్గిస్తుంది. మొటిమలను నివారిస్తుంది. ఒక చెంచా ధనియాల పొడిలో ఒక చెంచా గంధం రెండు చెంచాల పెరుగు కలిపి పేస్ట్‌ను సిద్ధం చేయండి. దీన్ని ముఖానికి పట్టించి ఆరిన తర్వాత చల్లటి నీటితో శుభ్రం చేసుకోవాలి. మీరు స్కిన్ ఇన్ఫెక్షన్లు, మొటిమల నుండి విముక్తి పొందుతారు. చందనం చర్మాన్ని చల్లబరుస్తుంది. ఇన్ఫెక్షన్లతో సహా అనేక సమస్యల నుండి దూరంగా ఉంచుతుంది. రోజూ గంధపు ఫేస్ ప్యాక్‌ని ముఖానికి అప్లై చేయడం వల్ల చర్మం హైడ్రేట్ అవుతుంది. సన్ టానింగ్‌తో పాటు, మొటిమలు కూడా తొలగిపోతాయి.

ఇది కూడా చదవండి: కాల్పుల విరమణ ముగిసిన మొదటి రోజే… గాజాపై వైమానిక దాడి 175మంది మృతి..!!