Suryapet: తెలంగాణలో దారుణం.. 9వ తరగతి బాలికను గర్భవతిని చేసి..!

Suryapet: తెలంగాణలో మరో కామాంధుడు రెచ్చిపోయాడు. అభం శుభం తెలియని పసిపాపపై ఓ యువకుడు దారుణానికి పాల్పడ్డాడు. పట్టుమని 15ఏళ్లు కూడా దాటని అమ్మాయిని నమ్మించి క్రూరమృగంలా లైంగిక దాడి చేశాడు. అంతటితో ఆగకుండా ఆ బాలికను భయాందోళనకు గురి చేసి లోబరుచుకుని పలుమార్లు కామావాంఛ తీర్చుకున్నాడు. దీంతో ఆమె గర్భం దాల్చింది. సూర్యపేట జిల్లాలో జరిగిన ఈ దారుణమైన సంఘటన ఆలస్యంగా వెలుగులోకి వచ్చింది.

ఇది కూడా చదవండి: AP Inter Results: ఏపీ ఇంటర్ ఫలితాలు.. ఈ లింక్ తో మీ రిజల్ట్స్!

3 నెలల గర్భావతి..
ఈ మేరకు మోతె మండలానికి చెందిన ఎస్ఐ యాదవేందర్ రెడ్డి తెలిపిన వివరాల ప్రకారం.. మోతె మండల పరిధిలోని ఓ తండాలో ఈ దారుణం జరిగినట్లు తెలిపారు. 14 ఏళ్ల బాలికను అదే తండాకు చెందిన యువకుడు ప్రేమ పేరుతో నమ్మించి, తర్వాత పెళ్లి కూడా చేసుకుంటానని లోబరుచుకున్నాడు. ఈ క్రమంలోనే పలుసార్లు లైంగిక దాడికి పాల్పడ్డాడు. అయితే కొన్ని రోజులుగా అనారోగ్యం పాలైన బాలికను తల్లిదండ్రులు ఆస్పత్రికి తరలించగా అసలు విషయం బయటపడింది. ఆ బాలిక 3 నెలలు గర్భం దాల్చినట్లు వైద్యులు వెల్లడించారు. దీంతో ఒక్కసారిగా షాక్ అయిన పేరెంట్స్ వెంటనే పోలీసులను ఆశ్రయించి తీవ్ర ఆందోళన చెందారు. తమకు న్యాయం చేయాలని కోరారు. దీంతో కేసు నమెదు చేసి దర్యాప్తు చేస్తున్నట్లు ఎస్ఐ యాదవేందర్ తెలిపారు.