Actor Darshan : దర్శన్ వీఐపీ ట్రీట్మెంట్‌.. ఏడుగురు అధికారుల సస్పెన్షన్‌!

Darshan VIP Treatment : కన్నడ (Kannada) సినీ నటుడు దర్శన్ (Actor Darshan) తూగుదీపకు జైలులో ప్రత్యేక సదుపాయాలు కల్పించారనే ఆరోపణలతో ఏడుగురు అధికారులను కర్ణాటక ప్రభుత్వం సస్పెండ్ చేసింది. జైలు లోపల దర్శన్ ఓ కుర్చీలో కూర్చుని సిగరెట్ తాగుతూ వున్న ఫొటో ఒకటి బయటకు వచ్చిన విషయం తెలిసిందే. తాజాగా దర్శన్ ఓ వీడియో కాల్ మాట్లాడుతున్న వీడియో కూడా సోషల్ మీడియా (Social Media) లో వైరల్ గా మారింది. జైలులోపల దర్శన్ కు వీఐపీ ట్రీట్మెంట్ లభిస్తోందని ఈ ఫొటోలు, వీడియోలు చూస్తే తెలుస్తోంది. దీనిపై సర్వత్రా విమర్శలు వ్యక్తం కావడంతో కర్ణాటక ప్రభుత్వం తాజాగా ఈ విషయం గురించి స్పందించింది.

జైల్లో ఉన్న దర్శన్‌ కు ప్రత్యేక సదుపాయాలు కల్పించిందెవరు...ఇంత పబ్లిక్‌ గా ఫోటోలు, వీడియోలు బయటకు వస్తుంటే...అధికారులు ఏం చేస్తున్నారనే కోణంలో విచారణకు ఆదేశించింది. ఈ క్రమంలోనే జైల్లో ఏడుగురు అధికారులు దర్శన్‌ కు స్పెషల్‌ ట్రీట్మెంట్‌ ఇస్తున్నట్లు గుర్తించారు. వారిని వెంటనే విధుల నుంచి తొలగించినట్లు హోంమంత్రి జి.పరమేశ్వర తెలియజేశారు. ఈ ఘటనపై సమగ్ర దర్యాఫ్తు జరిపిస్తామని, ఖైదీలకు వీఐపీ ట్రీట్మెంట్ అందించే వీలు లేకుండా చర్యలు తీసుకుంటామని తెలిపారు.

Also Read: రష్యాపై డ్రోన్ దాడి.. 38 అంతస్తుల భవనంపై..