YCP MLA: వైసీపీ ఎమ్మెల్యేకు వడదెబ్బ.. 108లో విజయవాడకు తరలింపు..!

Dhulam Nageswara Rao: కైకలూరు వైసీపీ అభ్యర్థి దూలం నాగేశ్వరరావు అస్వస్థతకు గురైయ్యారు. మెరుగైన వైద్యం కోసం 108లో విజయవాడలోని ఆయుష్ హాస్పిటల్ లో తరలించినట్లు తెలుస్తోంది. మూడ్రోజులుగా ఎండలో ఇంటింటి ఎన్నికల ప్రచారంలో పాల్గొనడంతో అస్వస్థకు గురైనట్లు కుటుంబసభ్యులు తెలిపారు. అయితే, ప్రస్తుతం దూలం నాగేశ్వరావు ఆరోగ్యం స్థిరంగా ఉన్నట్లు తెలుస్తోంది. రెండు రోజులు విశ్రాంతి తీసుకోవాలని వైద్యులు చెప్పారు.

Also Read: వెస్ట్ బెంగాల్ గవర్నర్ మీద లైగింక వేధింపు ఆరోపణలు

ఇదిలా ఉండగా.. ఏపీ నిప్పుల కొలిమిలా మారింది. ఉష్ణోగ్రతలు రికార్డ్ స్థాయిలో నమోదవుతున్నాయి. ఒకవైపు ఎండవేడిమి..మరోవైపు వడగాల్పులకు జనం అల్లాడిపోతున్నారు. ఎన్నికలకు (AP Elections 2024) తక్కువ సమయం ఉండడంతో తీవ్రమైన ఎండల్లోనే నేతల ప్రచారం చేస్తున్నారు. దీంతో పలువురు అస్వస్థతకు గురవుతున్నారు.