UTS App : ట్రైన్ టికెట్ బుక్ చేస్తున్నారా..? అయితే.. ఈ యూటీఎస్‌ యాప్ గురించి తెలుసుకోండి! ట్రైన్ టికెట్ బుక్ చేయాలంటే మనందరికీ మొదట గుర్తొచ్చేది ఐఆర్‌సీటీసీ (IRCTC). లేదా రైల్వే రిజర్వేషన్ కౌంటర్‌కు వెళ్లి టికెట్ బుక్ చేసుకుంటారు. ఇదే కాకుండా మరో యాప్ ద్వారా ట్రెయిన్ టికెట్ బుక్ చేసుకోవచ్చు. ఆ యాప్ ఏంటో తెలుసుకోండి! By Durga Rao 17 Apr 2024 in Latest News In Telugu లైఫ్ స్టైల్ New Update షేర్ చేయండి మనలో చాలా మంది రైల్‌ ప్రయాణం చేస్తుంటాం. అప్పటికప్పుడు జర్నీ కోసమైతే కౌంటర్‌ వద్దే టికెట్ తీసుకుంటాం. ఒక్కోసారి కౌంటర్‌ వద్ద రద్దీ వల్ల టికెట్ తీసుకోవడంలో ఇబ్బందులు పడుతుంటాం. ఈ ఇబ్బందులకు చెక్‌ పెట్టేందుకే రైల్వే శాఖ అన్‌రిజర్వ్‌డ్‌ టికెట్ బుకింగ్ సిస్టమ్‌ (UTS) యాప్‌ను ప్రారంభించింది. ఈ యాప్ ద్వారా టికెట్ బుకింగ్ ఎలా చేసుకోవాలో తెలుసుకుందాం.. UTS App ద్వారా ఇలా టికెట్ బుకింగ్ చేసుకోండి: మొదట UTS యాప్‌ను గూగుల్‌ ప్లేస్టోర్‌/ యాప్ స్టోర్‌ నుంచి డౌన్‌లోడ్‌ చేసుకుని అకౌంట్‌ క్రియేట్‌ చేసుకోవాలి. యాప్‌లో లాగిన్‌ అయిన వెంటనే స్క్రీన్‌పై కనిపించే Normal Booking సెక్షన్‌లోకి వెళ్లాలి. అందులో కనిపించే Book and Travel (పేపర్‌లెస్), Book and Print (పేపర్‌).. ఈ రెండు ఆప్షన్లలో ఏదో ఒక ఆప్షన్‌ ఎంచుకోవాలి. పేపర్‌ లెస్‌ ఆప్షన్‌ ఎంచుకుంటే మొబైల్‌లో జీపీఎస్‌ను ఆన్‌ చేయాలి. తర్వాత మీరు ఎక్కడినుంచి ప్రయాణించాలనుకుంటున్నారో ఆ స్టేషన్‌తో పాటు ఎక్కడికి వెళ్లాలనుకుంటున్నారో ఆ స్టేషన్‌ను ఎంచుకోవాలి. కింద కనిపించే ఆప్షన్ల ద్వారా మీ ప్రయాణానికి అందుబాటులో ఉన్న ట్రైన్‌లు, వాటి ఛార్జీలు డిస్‌ప్లే అవుతాయి. Get Fareపై క్లిక్‌ చేసి మీకు నచ్చిన ట్రైన్‌పై క్లిక్‌ చేయగానే టైం, ప్లాట్‌ఫాం నంబర్‌, ట్రైన్ నంబర్‌, టికెట్ ధర వంటి వివరాలు కనిపిస్తాయి. ప్యాసింజర్ల సంఖ్య, ట్రైన్ టైప్‌ (ప్యాసింజర్‌, ఎక్స్‌ప్రెస్‌, సూపర్‌ ఫాస్ట్‌), పేమెంట్‌ టైప్‌ను ఎంచుకోవాలి. కిందకు స్క్రోల్‌ చేయగానే కనిపించే BOOK TICKET ఆప్షన్‌పై క్లిక్‌ చేయాలి. ఆర్‌- వాలెట్‌, డెబిట్‌ కార్డ్‌/ UPI / ఇంటర్నెట్‌ బ్యాంకింగ్‌/ క్రెడిట్‌ కార్డ్‌.. ఈ చెల్లింపు ఎంపికల్లో ఏదో ఒక దాన్ని ఎంచుకొని టికెట్ బుక్ చేసుకోవాలి. గమనిక : మీరు టికెట్ బుక్ చేసే ముందు పేపర్‌ మోడ్‌ ఎంచుకుంటే దగ్గరల్లోని UTS కియోస్క్ లేదా రైల్వే బుకింగ్ కౌంటర్‌కు వెళ్లి ప్రింట్ తీసుకోవాలి. ATVMలో ప్రయాణికులు పేపర్‌లెస్ టిక్కెట్లను ప్రింట్ చేయలేరు. ఆర్‌- వాలెట్‌ను టాప్‌- అప్‌ చేయడం తప్పనిసరి కాదు. ఒకవేళ చేస్తే వాలెట్‌ టాప్‌-అప్‌పై 3 శాతం బోనస్‌ లభిస్తుంది. ఈ యాప్ ద్వారా ఒకప్పుడు స్టేషన్‌కు 5 కి.మీ. పరిధిలో మాత్రమే టికెట్ బుక్ చేసుకునే వీలుండేది. దాన్ని పట్టణ ప్రాంతాల్లో 10 కి.మీ., ఇతర ప్రాంతాల్లో 20 కి.మీ.కు పెంచారు. మీరు స్టేషన్ ఆవరణలో లేదా ట్రైన్ ఎక్కాక యూటీఎస్‌ టిక్కెట్‌ను బుక్ చేయడం కుదరదు. ప్లాట్‌ఫారం టిక్కెట్లను బుక్ చేసుకోవడానికి మీరు స్టేషన్‌కు 2 కిలోమీటర్ల పరిధిలో లేదా రైల్వే ట్రాక్‌కు 15 మీటర్ల దూరంలో ఉండాలి. ప్రయాణీకులు 3 నెలలు, 6 నెలలు లేదా సంవత్సరానికి సీజనల్ టిక్కెట్లను బుక్ చేసుకోవచ్చు. UTS టికెట్ బుకింగ్ సేవ 17 సంవత్సరాల కంటే తక్కువ వయస్సు ఉన్న వ్యక్తికి అందుబాటులో లేదని విషయాన్ని గుర్తుంచుకోండి. #book-train-ticket #uts-app మా వార్తాలేఖకు సభ్యత్వాన్ని పొందండి! ప్రత్యేకమైన ఆఫర్లు మరియు తాజా వార్తలను పొందిన మొదటి వ్యక్తి అవ్వండి ఇప్పుడే సభ్యత్వం పొందండి సంబంధిత కథనాలు Advertisment Advertisment తాజా కథనాలు తదుపరి కథనాన్ని చదవండి