Telangana: భూ సమస్యల పరిష్కారానికి కమిటీ ఏర్పాటు.. సీఎం రేవంత్ ఆదేశాలు..

భూ సమస్యల పరిష్కారానికి కమిటీని ఏర్పాటు చేస్తూ సీఎం రేవంత్ రెడ్డి కీలక నిర్ణయం తీసుకున్నారు. భూ వివాదాలకు శాశ్వత పరిష్కారాలను సూచించాలన్నారు. కమిటీలో మంత్రులు, రెవెన్యూ శాఖ అధికారులు, రైతులు ప్రతినిధులు ఉండాలని సూచించారు.

author-image
By Shiva.K in Latest News In Telugu తెలంగాణ
New Update
Dharani Portal: ధరణి పోర్టల్ పై రేవంత్ రెడ్డి కీలక నిర్ణయం

Telangana CM Revanth Reddy: తెలంగాణ రాష్ట్రంలో భూ సంబంధిత వివాదాలకు శాశ్వత పరిష్కారానికై మార్గదర్శకాలను రూపొందించేందుకు ప్రత్యేక కమిటీని ఏర్పాటు చేయాలని అధికారులను రాష్ట్ర ముఖ్యమంత్రి రేవంత్ రెడ్డి ఆదేశించారు. రాష్ట్రంలో ధరణి పనితీరు, భూ సంబంధిత అంశాలపై సీఎం రేవంత్ రెడ్డి బీఆర్ అంబేద్కర్ సచివాలయంలో సమీక్షా సమావేశం నిర్వహించారు. ఈ సమీక్షా సమావేశానికి రాష్ట్ర ఉప ముఖ్యమంత్రి, ఆర్థిక శాఖా మంత్రి భట్టి విక్రమార్క, వైద్య, ఆరోగ్యశాఖ, శాస్త్ర సాంకేతిక శాఖా మంత్రి దామోదర రాజ నర్సింహా, రెవిన్యూ, హోసింగ్, సమాచార శాఖా మంత్రి పొంగులేటి శ్రీనివాస రెడ్డి, రాష్ట్ర ప్రభుత్వ ప్రధాన కార్యదర్శి శాంతి కుమారి, రెవిన్యూ శాఖ ముఖ్య కార్యదర్శి నవీన్ మిట్టల్, తదితర ఉన్నతాధికారులు, ప్రజా ప్రతినిధులు హాజరయ్యారు.

ఈ సందర్బంగా సీఎం రేవంత్ రెడ్డి మాట్లాడుతూ.. గతంలో వేసిన కోనేరు రంగారావు కమిటీ మాదిరిగానే ఈ కమిటీని ఏర్పాటు చేయాలని సూచించారు. భూసంబంధిత వివాదాలకు శాశ్వత పరిష్కారం లభించే విధంగా ఈ కమిటీ ప్రతిపాదనలను సూచించాలన్నారు. ఈ కమిటీలో మంత్రులతోపాటు రెవిన్యూ శాఖ ఉన్నతాధికారులు, రైతు ప్రతినిధులు, భూ సంబంధిత చట్టాల్లో నిష్ణాతులు సభ్యులుగా ఉండాలన్నారు.

ధరణి ప్రారంభం నుండి ఇప్పటి వరకు తీసుకున్న నిర్ణయాలపై సవివర నివేదిక అందచేయాలని సీఎస్‌ను ఆదేశించారు ముఖ్యమంత్రి రేవంత్ రెడ్డి. ఈ సమావేశంలో సిఎంఓ అధికారులు శివధర్ రెడ్డి, శేషాద్రి, షా-నవాజ్ ఖాసీంలు పాల్గొనగా, మహబూబ్ నగర్ ఎమ్మెల్యే యెన్నం శ్రీనివాస్ రెడ్డి, రైతు ప్రతినిధులు కోదండ రెడ్డి, వేం నరేందర్ రెడ్డి, సంపత్ కుమార్ రెవెన్యూ అసోసియేషన్ ప్రతినిధులు హాజరై తమ అభిప్రాయాలను వెల్లడించారు.

Also Read:

కాంట్రాక్ట్ ఉద్యోగులకు గుడ్ న్యూస్.. సంక్రాంతి లోపు రెగ్యులరైజ్..

‘దటీజ్ కేసీఆర్’.. ఇంట్రస్టింగ్ ఫోటో షేర్ చేసిన ఎంపీ సంతోష్..

#telangana-cm-revanth-reddy #dharani
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

Kitchen Tips: ఈ వేసవిలో మీ వంటగదిలో ఇవి తప్పనిసరిగా ఉండాలి

వేసవిలో శరీరాన్ని హైడ్రేటెడ్‌గా ఉంచడం అవసరం. వేడి, ఆహారం, చల్లనీరు ద్వారా వ్యాధులు వస్తాయి. ముఖ్యంగా ఫ్రిజ్‌లో ఉల్లిపాయలు, వెల్లుల్లి, బంగాళదుంపలు, వంటివి నిల్వ చేయవద్దు. వీటిని వెంటిలేషన్ ఉన్న ప్రదేశంలో నిల్వ చేయాలని నిపుణులు చెబుతున్నారు.

author-image
By Vijaya Nimma in లైఫ్ స్టైల్ Latest News In Telugu
New Update
Kitchen Tips

Kitchen Tips

Kitchen Tips: వేసవిలో వేడి కారణంగా చాలా ఇబ్బంది పడాల్సి వస్తుంటుంది. వంట గదిలో ఉండేవారి పరిస్థితి అయితే దారుణం. కాబట్టి వేసవిలో వంటగదిలో ఉంచుకోవాల్సిన కొన్ని వస్తువులు ఉన్నాయి. వేడిగా, మురికిగా ఉన్న వంటగది తెగుళ్లు, క్రిములను ఆహ్వానించి ఆహార భద్రతను ప్రమాదంలో పడేస్తుంది. అందుకే ఉష్ణోగ్రత పెరిగే కొద్దీ మనలో చాలా మంది శ్రద్ధ వహించాల్సిన కొన్ని విషయాలు ఉన్నాయి. వేసవిలో శరీరాన్ని హైడ్రేటెడ్‌గా ఉంచడం చాలా అవసరం. అలాగే తాగడానికి శుభ్రమైన నీరు తీసుకోవడం చాలా ముఖ్యం. వేడి వల్ల ఆహారం ద్వారా, నీటి ద్వారా వ్యాధులు వస్తాయి. కాబట్టి వాటర్‌ ప్యూరిఫైయర్‌ను సరిగ్గా శుభ్రం చేయడం తప్పనిసరి.  తాగడానికి, వంట చేయడానికి లేదా ఉత్పత్తులను కడగడానికి శుభ్రమైన నీటిని మాత్రమే వాడండి.

ఆరోగ్యానికి అంత మంచిది కాదు:

మనలో చాలా మంది ఎండలోంచి వచ్చినప్పుడు చల్లటి నీరు తాగుతాం. దానికోసం చాలా మంది ఫ్రిజ్‌పై ఆధారపడతారు. కానీ ఇది ఆరోగ్యానికి అంత మంచిది కాదు. ఈ సమయంలో చల్లటి నీరు తాగడానికి మట్టి పాత్రలను ఉపయోగించడం ఉత్తమం. వేసవిలో వంటగదిలో వాసన ఎక్కువగా వస్తుంటుంది. ఇది అన్ని రకాల తెగుళ్లను ఆకర్షించడమే కాకుండా ఆరోగ్యాన్ని కూడా ప్రభావితం చేస్తుంది. బొద్దింకలు, ఈగలు, చీమలు వెచ్చని, తేమతో కూడిన ప్రదేశాలలో వృద్ధి చెందే అవకాశం ఉంది. అందువల్ల ఎక్కువ హానికరం కాని సహజ పురుగుమందులను వాడాలి. అధిక వేడి వల్ల కొన్ని కూరగాయలు సాధారణం కంటే త్వరగా చెడిపోతాయి. 

ఇది కూడా చదవండి: టాయిలెట్లలో డ్యూయల్‌ ఫ్లష్‌లు ఎందుకు ఉంటాయి?

ముఖ్యంగా మనం ఫ్రిజ్ బయట ఉంచే ఉల్లిపాయలు, వెల్లుల్లి, బంగాళాదుంపలు వంటివి. సరిగ్గా నిల్వ చేయకపోతే అవి బూజు పట్టి కుళ్ళిపోయి మొలకెత్తుతాయి. బంగాళాదుంపలు, ఉల్లిపాయలను కలిపి నిల్వ చేయవద్దు. అవి త్వరగా చెడిపోయేలా చేసే వాయువులను విడుదల చేస్తాయి. ఎక్కువ కాలం చెడిపోకుండా ఉండటానికి బాగా వెంటిలేషన్ ఉన్న ప్రదేశంలో నిల్వ చేయండి. ఊరగాయలు తేమగా ఉండటం వల్ల అవి చాలా సున్నితంగా ఉంటాయి. శుభ్రమైన, గాలి చొరబడని గాజు పాత్రలను ఉపయోగించండి. దీంతో అవి ఎక్కువ కాలం సురక్షితంగా, పాడవకుండా ఉంటాయి. మెటల్ మూతలు వాడకూడదు. ఎప్పుడూ కంటైనర్లను పూర్తిగా ఆరబెట్టాలని నిపుణులు అంటున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: తిరుమల ఘాట్ రోడ్డులో బోల్తా పడ్డ సుమో.. స్పాట్లో ఏడుగురు!

( kitchen-tips | easy-kitchen-tips | health-tips | health tips in telugu | latest health tips | best-health-tips | latest-news )

#telugu-news #latest-news #best-health-tips #latest health tips #health tips in telugu #health-tips #easy-kitchen-tips #kitchen-tips
Advertisment
Advertisment
Advertisment