WhatsApp Update: వాట్సాప్ చరిత్రలోనే అతిపెద్ద అప్‌డేట్.. ఇక ఫోన్ నంబరే అవసరం లేదు.. తెలిస్తే షాక్ అవుతారు!

WhatsApp Update: వాట్సాప్ త్వరలో ఒక పెద్ద మార్పు తీసుకురానుంది. ఇప్పటి వరకు వాట్సాప్ లో ఎవరికైనా మెసేజ్ చేయాలంటే తప్పనిసరిగా ఫోన్ నంబర్ అవసరం. కానీ ఇప్పుడు అది మారనుంది. కొత్తగా “యూజర్‌నేమ్” అనే ఫీచర్ రాబోతోంది. దీని ద్వారా మీరు మీ ఫోన్ నంబర్ చెప్పకుండా కూడా ఇతరులతో చాట్ చేయగలుగుతారు.

యూజర్‌నేమ్‌తో చాట్ User Name Based WhatsApp

🚨 WatsApp to introduce username based calling and messaging soon. pic.twitter.com/PaqFGh2Yiu

— Indian Tech & Infra (@IndianTechGuide) November 4, 2025

ఈ కొత్త ఫీచర్ వల్ల మీరు ఒక యూనిక్ యూజర్‌నేమ్ సెట్ చేసుకోవచ్చు. ఆ యూజర్‌నేమ్‌ను ఇతరులకు ఇచ్చినా సరిపోతుంది. వారు మీ నంబర్ చూడకుండా మీకు మెసేజ్ పంపగలరు. ఇది ముఖ్యంగా ప్రైవసీకి చాలా ఉపయోగపడుతుంది. ఇకపై ప్రతి ఒక్కరితో నంబర్ షేర్ చేయాల్సిన అవసరం ఉండదు.

ఇప్పటికే ఈ ఫీచర్ కొంతమంది యూజర్లకు మాత్రమే టెస్టింగ్‌గా అందిస్తున్నారు. Android, iPhone రెండింటిలో కూడా పరీక్షిస్తున్నారు. పూర్తిగా అందరికీ రావడానికి కొంత సమయం పడుతుంది.

యూజర్‌నేమ్ పెట్టేటప్పుడు కొన్ని నియమాలు ఉండే అవకాశం ఉంది:

• “www” తో మొదలవ్వకూడదు
• “.com” లేదా “.in” తో ముగియకూడదు
• కనీసం ఒక అక్షరం ఉండాలి
• చిన్న అక్షరాలు (a-z), నంబర్లు (0-9), డాట్ (.), అండర్‌స్కోర్ (_) మాత్రమే వాడాలి
• 3 నుంచి 35 అక్షరాల మధ్య ఉండాలి

ఈ ఫీచర్‌లో “యూజర్‌నేమ్ కీ” అనే ఒక ఆప్షన్ కూడా ఉండొచ్చు. ఇది 4 అంకెల కోడ్. ఎవరు మొదటిసారి మీకు మెసేజ్ చేయాలంటే ఈ కోడ్ కూడా అవసరం అవుతుంది. ఇది మీ ప్రైవసీని ఇంకా సేఫ్‌గా ఉంచుతుంది.

స్పామ్ మెసేజెస్ పెరగవచ్చా?

ఈ ఫీచర్ వల్ల ఒక సమస్య కూడా ఉండొచ్చు. యూజర్‌నేమ్ ద్వారా ఎవరైనా సులభంగా మిమ్మలను కనుగొనగలరు. దాంతో స్పామ్ మెసేజెస్ రావచ్చు. అయితే WhatsApp దీనికి సెట్టింగ్స్ ఇస్తుంది. మీరు ఎవరు మీకు మెసేజ్ చేయాలో కంట్రోల్ చేయగలుగుతారు.

బిజినెస్, క్రియేటర్స్‌కి లాభం

ఈ కొత్త ఫీచర్ బిజినెస్ చేసే వాళ్లకు, కంటెంట్ క్రియేటర్స్‌కి చాలా ఉపయోగపడుతుంది. వారు తమ నంబర్ బయట పెట్టకుండా కూడా ప్రజలతో కనెక్ట్ అవ్వగలరు.

 మిగతా ప్లాట్‌ఫార్మ్‌లతో కనెక్ట్

మీరు Instagram, Facebook లాంటివాటిలో ఉన్న యూజర్‌నేమ్‌ను ఇక్కడ కూడా వాడుకోవచ్చు. కానీ ఇది ప్రైవసీకి కొంత రిస్క్ అవుతుందని గుర్తుంచుకోవాలి. ఈ యూజర్‌నేమ్ ఫీచర్ పూర్తిగా అందరికీ వచ్చాక WhatsApp వాడే విధానం పూర్తిగా మారిపోతుంది. ప్రైవసీ పెరుగుతుంది, చాట్ చేయడం మరింత సులభం అవుతుంది.