AI Robots: మనుషుల కదలికలను గమనిస్తున్న AI.. భవిష్యత్తు రోబో ప్రపంచం ఇదిగో!

AI Robots: కృత్రిమ మేధస్సు (AI) రంగం వేగంగా అభివృద్ధి చెందుతున్న ఈ కాలంలో, భవిష్యత్తులో మనుషులు చేసే పనులను రోబోలు కూడా చేయగలిగేలా తయారు చేయడానికి భారతీయులు కీలక పాత్ర పోషిస్తున్నారు. ఇందుకోసం వేలాది మంది తమ రోజువారీ పనులను వీడియోలుగా రికార్డు చేసి AI కంపెనీలకు అందిస్తున్నారు.

తమిళనాడు రాజధాని చెన్నైకి చెందిన 25 ఏళ్ల నాగిరెడ్డి శ్రీరమ్యచంద్ర అలాంటి వారిలో ఒకరు. ఆమె ఇంటి పనులు చేస్తూ, ముఖ్యంగా మామిడి పండ్లు కోయడం, వంటగది పనులు చేయడం వంటి పనులను తలపై కెమెరా కట్టుకుని వీడియోగా చిత్రీకరిస్తుంది. ఈ వీడియోలను AI కంపెనీలకు పంపుతుంది. ఒక గంట వీడియో రికార్డింగ్‌కు ఆమెకు రూ.250 వరకు చెల్లిస్తున్నారు.

ఆమె మాటల్లో చెప్పాలంటే, ఇంటి పనులు చేస్తూనే గంటకు ఇంత ఆదాయం రావడం మంచి అవకాశంగా భావిస్తోంది. భవిష్యత్తులో తానూ ఒక రోబోను ఉపయోగించే అవకాశం ఉందని ఆమె ఆశాభావం వ్యక్తం చేసింది.

चेन्नई की श्रीरम्या चंद्रा को 1 घंटे का 250 रुपया मिलता है।

इसके लिए उन्हें घर में रोज़ के कामों को रिकॉर्ड करना होता है।

ऐसे वीडियोज से AI रोबोट्स को ट्रेन किया जाता है। कई फैक्ट्रियों में वर्कर भी अपने काम को रिकॉर्ड कर रहे हैं।

मगर इससे उनकी नौकरी पर भी खतरा मंडरा रहा है। pic.twitter.com/Ip3WqothyR

— Govind Pratap Singh | GPS (@govindprataps12) June 11, 2026

ప్రస్తుతం AI చాట్‌బాట్లు, ఇమేజ్ లను రూపొందించే సిస్టమ్‌లు ఇంటర్నెట్‌లోని భారీ డేటాను ఉపయోగించి పనిచేస్తున్నాయి. అయితే నిజ జీవితంలో మనుషుల మాదిరిగా కదలడం, పనులు చేయడం నేర్పించడం మాత్రం మరింత క్లిష్టమైన పని. అందుకే డెవలపర్లు మనుషులు చేసే పనులను వారి కళ్లతో చూసినట్లుగా రికార్డు చేసిన వీడియోలను ఉపయోగించి రోబోలకు శిక్షణ ఇస్తున్నారు.

ఇలాంటి వీడియోలను "ఫస్ట్ పర్సన్ డేటా"(First Person Data) లేదా "ఈగోసెంట్రిక్ డేటా"(Egocentric Data)గా పిలుస్తారు. కొందరు ఇంటి నుంచే ఈ పని చేస్తుంటే, మరికొందరు ఫ్యాక్టరీలు లేదా ప్రత్యేక స్టూడియోల్లో వీడియో గ్లాసులు, హెడ్ కెమెరాలు, మోషన్ సెన్సర్లతో పనిచేస్తున్నారు.

శ్రీరమ్యచంద్ర ఉపయోగించే సిస్టమ్‌లో వీడియో సరిగా రికార్డ్ కాకపోతే వెంటనే హెచ్చరిక వస్తుందని ఆమె చెబుతోంది. రికార్డ్ చేసిన వీడియోలను ప్రత్యేక యాప్ ద్వారా AI డేటా కంపెనీలకు పంపిస్తున్నారు. ఈ సంస్థలకు ప్రపంచంలోని పెద్ద పెద్ద కంపెనీలు కస్టమర్లుగా ఉన్నాయని సమాచారం.

ప్రపంచవ్యాప్తంగా హ్యూమనాయిడ్ రోబోల మార్కెట్ వేగంగా పెరుగుతోంది. 2050 నాటికి ఒక బిలియన్‌కు పైగా రోబోలు ఉపయోగంలో ఉండొచ్చని అంచనాలు చెబుతున్నాయి. ముఖ్యంగా పరిశ్రమలు, వ్యాపార రంగాల్లో వీటి వినియోగం ఎక్కువగా ఉండే అవకాశం ఉంది.

ఈ నేపథ్యంలో AI డేటా సేకరణ, ప్రాసెసింగ్, లేబెలింగ్ వంటి సేవల్లో భారత్ ముఖ్య కేంద్రంగా మారుతోంది. భవిష్యత్తులో ఈ రంగంలో మరిన్ని ఉద్యోగ అవకాశాలు పెరిగే అవకాశం ఉందని నిపుణులు భావిస్తున్నారు.

అయితే AI వల్ల లాభాలు ఉన్నప్పటికీ, ఉద్యోగాలపై ప్రభావం పడే అవకాశం కూడా ఉందని నిపుణులు హెచ్చరిస్తున్నారు. ముఖ్యంగా ఉద్యోగాల కోల్పోయే ప్రమాదంపై ఇప్పటికే అనేక చర్చలు జరుగుతున్నాయి.

బెంగళూరులో గత పదేళ్లుగా పూల దండలు తయారు చేస్తూ జీవనం సాగిస్తున్న 55 ఏళ్ల పొన్ని కూడా AI శిక్షణలో భాగమైంది. ఆమె పని చేసే విధానాన్ని కూడా ఫోన్ కెమెరాతో రికార్డ్ చేశారు. భవిష్యత్తులో తనలాంటి పనులు చేసే కొత్త వ్యాపారులకు AI, రోబోలు సవాలుగా మారే అవకాశం ఉందని ఆమె అభిప్రాయపడింది.

మొత్తానికి, ప్రస్తుతం భారతీయులు AI రోబోలకు శిక్షణ ఇచ్చే పనిలో భాగమవుతుండగా, అదే సాంకేతికత రాబోయే రోజుల్లో ఉద్యోగాల స్వరూపాన్ని మార్చే అవకాశముందని నిపుణులు చెబుతున్నారు.