Computer : మీ కంప్యూటర్‌లో ఈ సంకేతాలు కనిపిస్తే జాగ్రత్త.. వైరస్ బారిన పడినట్లే..!

Technology : ప్రస్తుతం టెక్నాలజీ బాగా పెరిగిపోయింది. ఆఫీస్ పని(Office Work) దగ్గర నుంచి స్కూళ్లలో చదువు వరకు(School Studies) అన్నీ ల్యాప్‌టాప్(Laptop) లేదా కంప్యూటర్(Computer) సాయంతో సాగుతున్నాయి. అయితే టెక్నాలజీ పెరిగిన కొద్దీ సైబర్ నేరాల ముప్పు కూడా ఎక్కువైంది. అనుమతి లేకుండా చాలా వైరస్‌లు మీ కంప్యూటర్‌లో ఇన్‌స్టాల్ చేయబడడం జరుగుతుంది. దీని తర్వాత, నేరస్థులు మీ ఆన్‌లైన్ నెట్ వర్క్ కు సంబంధించిన వివరాలను రహస్యంగా పర్యవేక్షిస్తారు. అలాగే మీ వ్యక్తిగత సమాచారాన్ని యాక్సెస్ చేయడానికి ప్రయత్నించి, ఆపై మోసానికి పాల్పడుతున్నారు. అటువంటి పరిస్థితిలో, మీ PCలోకి ఏదైనా వైరస్ ప్రవేశించిందో, లేదో కనుక్కోవడానికి కొన్ని టెక్నీక్స్ ఉన్నాయి. అవేంటో ఇప్పుడు తెలుసుకుందాము..

సిస్టమ్‌లో వైరస్ ఉన్నప్పుడు ఈ సంకేతాలు కనిపిస్తాయి

• మీ ఫైల్‌లు, యాప్‌లు తెరవడానికి సమయం పడుతుంది. అలాగే కంప్యూటర్ పనితీరు కూడా నెమ్మదవడం గమనిస్తారు.
• పాప్-అప్‌లు, స్పామ్ నిరంతరం కనిపించడం ప్రారంభమవుతుంది.
• మీ ల్యాప్‌టాప్ లాక్ చేయబడుతుంది. ఇక దాన్ని యాక్సెస్ చేయలేరు. మాల్వేర్ కారణంగా ఇది జరగవచ్చు. హోమ్‌పేజీలో మార్పులు కనిపిస్తాయి.
• తెలియని ప్రోగ్రామ్‌లు మీ సిస్టమ్‌లో రన్ అవుతాయి.
• మీ మెయిల్ ఖాతా నుంచి బల్క్ ఇ-మెయిల్స్ సెండ్ అవ్వడం జరుగుతుంది. అలాగే సిస్టమ్ సెక్యూరిటీ సాఫ్ట్‌వేర్ నిలిపివేయబడవచ్చు.
• ల్యాప్‌టాప్ బ్యాటరీ త్వరగా అయిపోతుంది. మీ సిస్టమ్ నిరంతరం క్రాష్ అవ్వడం, స్క్రీన్ ఆగిపోవడం వంటివి కనిపిస్తాయి.

కంప్యూటర్ నుంచి వైరస్ ను ఇలా తొలగించండి

Mac లేదా PC నుంచి వైరస్‌(Virus) ని తొలగించడం సాధ్యమే. అయితే పరిస్థితి తీవ్రంగా మారినప్పుడు మాత్రమే నిపుణుడి అవసరం ఉంటుంది. ఇతర సాధారణ పరిస్థితులలో ఈ పద్ధతులను అనుసరించండి.

• యాంటీవైరస్ లేదా యాంటీ మాల్వేర్ సాధనాన్ని డౌన్‌లోడ్ చేయండి.
• ఇంటర్నెట్ నుంచి సిస్టమ్‌ను డిస్‌కనెక్ట్ చేసి, సేఫ్ మోడ్‌లోకి స్విచ్ చేయండి
• పరికరంలో ప్రమాదకరమైన యాప్‌లను తనిఖీ చేయడానికి టాస్క్ మేనేజర్‌ని ఓపెన్ చేయండి.
•  యాంటీవైరస్‌ని ఆన్ చేసి, వైరస్‌ల కోసం మీ కంప్యూటర్‌ని స్కాన్ చేయండి.
• కాష్‌ని క్లియర్ చేసి, సిస్టమ్‌ను అప్‌డేట్ చేయండి.

Also Read: Life Style : బిగుతైన లోదుస్తులను ధరిస్తున్నారా..? పురుషులకు ఎంత ప్రమాదమో తెలుసా?