Delhi CM : ఢిల్లీ సీఎంగా కేజ్రీవాల్‌ భార్య సునీత?

Kejriwal's wife Sunita as Delhi CM?:  ఢిల్లీ ముఖ్యమంత్రి అరవింద్ కేజ్రీవాల్ భార్య సునీత తన భర్త పదవిని చేపట్టేందుకు సిద్ధమవుతున్నారని కేంద్ర మంత్రి హర్దీప్ సింగ్ పూరీ పేర్కొన్నారు. ఆమ్ ఆద్మీ పార్టీలో ఎవరి అభిప్రాయాలను పరిగణలోనికి తీసుకోకుండా సునీత ఏకపక్షంగా సీఎం పదవిని చేపట్టేందుకు రంగం సిద్ధం చేసుకుంటున్నారని కేంద్ర మంత్రి తెలిపారు. దాణా కుంభకోణంలో లాలూ జైలుకు వెళ్లినప్పుడు బీహార్ లో సీఎంగా రబ్రీదేవిని ఇలాగే చేశారన్న విషయాన్ని గుర్తు చేశారు. అరవింద్ కేజ్రీవాల్ ను ఈడీ అరెస్టు చేసినప్పటి నుంచి ఆయన కుర్చీలో కూర్చునేందుకు సునీతా మాత్రమే వీడియోలను షేర్ చేస్తున్న విషయాన్ని కేంద్ర మంత్రి హర్దీప్ సింగ్ గుర్తు చేశారు. లిక్కర్ ఆదాయంపై ప్రభుత్వాలు ఆధారపడకుండా అన్నాహజారే ఉద్యమం సమయంలో గొంతు చించుకున్న అరవింద్..ఢిల్లీకి ముఖ్యమంత్రి అయ్యాక డబ్బుల మాయలో పడి జైలుపాలయ్యారని తెలిపారు.

అటు లిక్కర్ స్కామ్ కేసు(Liquor Scam Case) లో అరెస్టయిన ఢిల్లీ(Delhi) సీఎం అరవింద్ కేజ్రీవాల్(Aravind Kejriwal) ప్రస్తుతం ఈడీ(ED) కస్టడిలో ఉన్న సంగతి తెలిసిందే. అయితే తాజాగా ఆయన సతీమణి సునీత కేజ్రీవాల్‌(Sunita Kejriwal) మరో వీడియో సందేశాన్ని విడుదల చేశారు. దేశంలో అత్యంత అవినీతి, నియంత శక్తులకు వ్యతిరేకంగా తన భర్త పోరాటం చేస్తున్నారని.. ఇందుకోసం ఆయనకు అండగా నిలబడేందుకు ప్రజల ఆశీర్వాదం కావాలని కోరారు. అంతేకాదు ఓ వాట్సప్‌ నెంబర్‌ను కూడా షేర్‌ చేసి దీనికి మీ సందేశాలు పంపిచండని తెలిపారు. 

ఇది కూడా చదవండి: ఓ మహిళను నగ్నంగా ఊరేగించిన ఫొటోకు అవార్డు..దుమ్మెత్తిపోస్తున్న నెటిజన్లు..!