RGV Vyuham: 'వ్యూహం' విడుదల పై RGV సంచలన ట్వీట్..!

RGV Vyuham Release Date: సంచలనాలకు, వివాదాలకు మారు పేరైన దర్శకుడు RGV 'వ్యూహం' సినిమా ఏపీ రాజకీయాల్లో సంచలనం సృష్టిస్తుంది. Y.S రాజశేఖర్ రెడ్డి (Rajasekhara Reddy) మరణం తర్వాత జగన్ (CM Jagan) పొలిటికల్ ఎంట్రీ బ్యాక్ డ్రాప్ నేపథ్యంగా RGV ఈ సినిమాను తెరెకెక్కించారు. RGV 'వ్యూహం' సినిమాను రెండు భాగాలుగా ప్లాన్ చేశారు. ఈ సినిమాకు విడుదలకు సంబందించిన తేదీలను తన ట్విట్టర్ ఖాతా ద్వారా ప్రకటించారు. నవంబర్ 10 న వ్యూహం రిలీజ్ ఫిక్స్ చేసారు. దీనికి సీక్వెల్ గా వస్తున్న శపథం(వ్యూహం 2) జనవరి 25న విడుదల కానున్నట్లు ప్రకటించారు.

2009 నుంచి 2014 వరకు జగన్ కుటుంబంలో, ఏపీ రాజకీయాల్లో (AP Politics) చోటు చేసుకున్న పరిణామాలను ఉద్దేశించినట్లు ఈ సినిమా ఉందని స్పష్టమవుతుంది. ఎన్నికలకు ముందు RGV ఈ సినిమా తేదీని విడుదల చేయడంతో రాజకీయ నాయకులలో, ప్రేక్షకులలో మరింత ఆసక్తి పెరిగింది. జగన్ కు అనుకూలంగా తీస్తున్న ఈ సినిమా జగన్ రాజకీయ భవిష్యత్, ఏపీ రాజకీయాలలో ఎలాంటి మార్పులు తీసుకొస్తుందని చాలా ఆసక్తిగా ఉన్నారు.

'వ్యూహం' సినిమాలోని పాత్రలను RGV తన ట్విట్టర్ వేదిక పై పరిచయం చేశారు. తమిళ నటుడు అజ్మల్ అమీర్ Y.S జగన్ పాత్ర పోషించనున్నట్లు, నటి మానస రాధాకృష్ణన్ జగన్ భార్య భారతి పాత్రలో నటిస్తున్నట్లు తెలిపారు. ఈ సినిమాలో RGV రాజశేఖర్ రెడ్డి చనిపోయాక జగన్ పై జరిగిన కుట్రలు, జగన్ రాజకీయ జీవితంలో చోటు చేసుకున్న పరిణామాలను చూపబోతున్నట్లు తెలుస్తుంది.

'వ్యూహం' టీజర్ 2 లో రాజశేఖర్ రెడ్డి హెలికాఫ్టర్ బ్లాస్ట్, జగన్, భారతి పై జరుగుతున్న కుట్రలను చూపించినట్లు తెలుస్తుంది. పార్ట్ 2 లో రాజశేఖర్ రెడ్డి చనిపోయినప్పటి నుంచి జగన్ సీఎం అయ్యేవరకు ఎలాంటి సంఘటనలు చోటుచేసుకున్నాయి అనేది చూపించారు.

Also Read: Abhishek Agarwal: ‘టైగర్ నాగేశ్వర్ రావు’ నిర్మాతకు షాక్..! టెన్షన్ లో రవితేజ..!