Elections Results: గొంతు కోసుకున్న విజయ్ ఫ్యాన్.. కృష్ణగిరిలో విషాద ఘటన!

Elections Results: నాలుగు రాష్ట్రాలు, ఒక కేంద్ర పాలిత ప్రాంతంలో జరిగిన అసెంబ్లీ ఎన్నికల ఓట్ల లెక్కింపు ఉదయం 8 గంటలకు ప్రారంభమైంది. పశ్చిమ బెంగాల్, తమిళనాడు, కేరళ, అసోం, పుదుచ్చేరిలో కౌంటింగ్ ప్రారంభం కావడంతో దేశవ్యాప్తంగా ఉత్కంఠ పెరిగింది. ఎగ్జిట్ పోల్స్ ఇప్పటికే అంచనాలు ఇచ్చిన నేపథ్యంలో ఫలితాలపైనే అందరి దృష్టి ఉంది. ప్రారంభ దశ నుండి కొన్ని చోట్ల పోటీ తీవ్రంగా కనిపించింది.

తమిళనాడులోని కొళత్తూరులో డీఎంకే బలమైన ఆధిక్యంలో కొనసాగుతోంది. ముఖ్యమంత్రి ఎం.కె. స్టాలిన్ పోటీ చేసిన ఈ నియోజకవర్గంలో ఆయన మొదటి రౌండ్ నుంచే ముందంజలో ఉన్నారు. ప్రత్యర్థి సంతాన కృష్ణన్‌పై ఆయన ఆధిక్యం కొనసాగుతోంది. రాష్ట్రంలోని పలు జిల్లాల్లో కూడా డీఎంకే అభ్యర్థులు ముందంజలో ఉన్నట్లు తెలుస్తోంది. అదే సమయంలో టీవీకే పార్టీ కూడా గట్టి పోటీ ఇస్తోంది.

విజయ్ ఓడిపోతాడన్న వార్తలు విని గొంతుకోసుకొని అభిమాని ఆత్మహత్యాయత్నం

తమిళనాడు కృష్ణగిరిలో టీవీకే పార్టీ నాయకుడు విజయ్‌ అసెంబ్లీ ఎన్నికల్లో ఓడిపోతాడనే వదంతులు విన్న తర్వాత గొంతు కోసుకుని ఆత్మహత్యాయత్నానికి పాల్పడ్డ అభిమాని కె. మహేంద్రన్(28)

కృష్ణగిరి ప్రభుత్వ ఆసుపత్రికి చికిత్స… pic.twitter.com/krCOxSlt9T

— Telugu Scribe (@TeluguScribe) May 4, 2026

ప్రారంభ ఫలితాల్లో డీఎంకే ఆధిక్యం కనిపించడంతో ఆ పార్టీ కార్యాలయాల్లో ఉత్సాహం నెలకొంది. కార్యకర్తలు, నాయకులు సంబరాలు జరుపుకుంటున్నారు.

ఇదే సమయంలో కృష్ణగిరిలో ఒక విషాద ఘటన చోటుచేసుకుంది. విజయ్ నేతృత్వంలోని టీవీకే పార్టీకి చెందిన వీరాభిమాని కే. మహేంద్రన్ ఆత్మహత్యాయత్నానికి పాల్పడ్డాడు. ఎన్నికల్లో విజయ్ ఓడిపోతారని వచ్చిన వదంతులతో తీవ్ర ఆవేదనకు గురైన అతను గొంతు కోసుకుని ప్రాణాలు తీసుకునే ప్రయత్నం చేశాడు. ఈ ఘటన కౌంటింగ్ ప్రారంభానికి కొద్దిసేపు ముందే జరిగింది.

స్థానికులు వెంటనే అతన్ని గమనించి కృష్ణగిరి ప్రభుత్వ వైద్య కళాశాల ఆసుపత్రికి తరలించారు. ప్రస్తుతం అతనికి ఐసీయూలో చికిత్స అందిస్తున్నారు. ఈ ఘటనపై పోలీసులు మాట్లాడుతూ, ఎన్నికల ఫలితాలపై వచ్చిన ఊహాగానాల వల్లే ఈ ఘటన జరిగినట్లు ప్రాథమికంగా తెలుస్తోందని తెలిపారు.

ఫలితాల ఉత్కంఠ కొనసాగుతున్న వేళ ఈ ఘటన స్థానికంగా ఆందోళన కలిగించింది.