AP: సంచలనంగా మైనర్ బాలిక హత్య.. నిందితులను ఎన్ కౌంటర్ చేయాలని డిమాండ్..!

Nandyal: నంద్యాల జిల్లా ముచ్చుమర్రిలో మైనర్ బాలిక హత్య కేసు సంచలనంగా మారింది. బాలికపై ముగ్గురు బాలురు అత్యాచారం చేసి.. ఆ తరువాత మృతదేహాన్ని మల్యాల లిప్ట్‌ కెనాల్‌లో పడేసిన సంగతి తెలిసిందే. ప్రస్తుతం కాల్వలో బాలిక మృతదేహం కోసం పోలీసులు గాలింపు చర్యలు చేస్తున్నారు.

Also Read: తాడేపల్లిగూడెంలో జి.ఆర్.రెడ్డి కంటి హాస్పిటల్ వైద్యుల దోపిడి.. HIV పాజిటివ్ అని చెప్పి..

బాలిక మృతితో బాధిత కుటుంబంలో తీవ్ర విషాద ఛాయలు అలుముకున్నాయి. తల్లిదండ్రులు కన్నీరుమున్నీరుగా విలపిస్తున్నారు. బాలిక తల్లి మాట్లాడుతూ..తన బిడ్డను చంపిన వాళ్ళను ఎన్ కౌంటర్ చేసి చంపాలని డిమాండ్ చేస్తోంది. ఆడపిల్లలకు రక్షణ లేకుండా పోయిందని.. పనీపాటా లేకుండా తిరుగుతూ అమ్మాయిలను వేధిస్తున్నారని వాపోయింది. తన మనవరాలిని చంపిన వాళ్ళను ఎన్ కౌంటర్ చేస్తేనే తమకు న్యాయం చేసినట్టు అవుతుందని బాలిక నానమ్మ అంటోంది.

Also Read: టీడీపీ నేత దారుణ హత్య.. వేట కొడవళ్ళు, కత్తులతో పొడిచి..

ముచ్చుమర్రిలో బాలిక మృతదేహం గాలింపును టీడీపీ నేత బైరెడ్డి రాజశేఖర్ రెడ్డి పర్యవేక్షించారు. బాలిక హత్య దారుణమని, నిందితులు ఎవరైనా కఠినంగా శిక్షించాలని డిమాండ్ చేశారు. గంజాయి పిల్లలకు కూడా చేరుతోందన్నారు. ముచ్చుమర్రిలో ఐదేళ్ల క్రితం క్రమశిక్షణ, కట్టుబాట్లతో ఉండేదని వ్యాఖ్యానించారు.