మై డియర్ బ్రదర్ తారక్.. నువ్వొక డైనమిక్ లీడర్ వి!

తెలంగాణ ఐటీ శాఖ మంత్రి కేటీఆర్ జన్మదిన వేడుకలు రాష్ట్ర వ్యాప్తంగా ఘనంగా జరుగుతున్నాయి. ఊరూరా బీఆర్ఎస్ శ్రేణులు కేక్ కట్ చేయడం, సేవా కార్యక్రమాలు నిర్వహించడం ద్వారా తమ అభిమానాన్ని చాటుకుంటున్నారు. సంబరాలు చేసుకుంటున్నారు. మరోవైపు దేశవ్యాప్తంగా చాలా మంది ప్రముఖుల నుంచి కేటీఆర్ కు శుభాకాంక్షలు వెల్లువెత్తుతున్నాయి.

తన విజన్ తో తెలంగాణ ఐటీ రంగంలో అభివృద్ధి పథం వైపు దూసుకెళ్తున్న మంత్రి కేటీఆర్ కు మెగాస్టార్ చిరంజీవి ట్విట్టర్ వేదికగా పుట్టిన రోజు శుభాకాంక్షలు తెలిపారు. ‘మై డియర్ బ్రదర్ తారక్.. నువ్వొక డైనమిక్ లీడర్ వి. అంతే కాదు గొప్ప స్నేహితుడివి కూడా. మేము నిన్ను ఎంతగానో ప్రేమిస్తుంటాం, అలాగే నీ నుంచి స్పూర్తి పొందుతుంటాం. నువ్వు ఎప్పుడు ఇలాగే సంతోషంగా ఉండాలి..హ్యాపీ బర్త్ డే’ అంటూ ట్వీట్ చేశారు మెగాస్టార్. ప్రస్తుతం చిరు చేసిన ఈ ట్వీట్ నెట్టింట వైరల్ అవుతోంది.

ఇక మంత్రి కేటీఆర్ జన్మదిన వేడుకలు విదేశాల్లోను ఘనంగా జరుగుతున్నాయి.ఆస్ట్రేలియాలోని సిడ్నీ, మెల్ బోర్న్, కాన్బెర్రా, బ్రిస్బేన్, అడిలైడ్ పట్టణాలలో బీఆర్ఎస్ ఆస్ట్రేలియా శాఖ అధ్యక్షుడు నాగేందర్ రెడ్డి కాసర్ల ఆధ్వర్యంలో మంత్రి కేటీఆర్ పుట్టిన రోజు వేడుకలు ఘనంగా జరిగాయి. సౌత్ ఆఫ్రికాలో కూడా మంత్రి కేటీఆర్ జన్మదిక వేడుకలు ఘనంగా జరిగాయి.