ప్రకృతిలో లభించే పండ్లు, మొక్కలు, మూలికల్లో అనేక ప్రయోజనాలు దాగి ఉంటాయి. కానీ ఇలాంటి వాటి గురించి చాలా తక్కువ మందికి మాత్రమే తెలుస్తుంది. అలాంటి ఒక పండే ఈ హనుమాన్ ఫ్రూట్. దక్షిణ భారతదేశంలో ఈ పండు ఎక్కువగా  కనిపిస్తుంది. హనుమాన్ పండు ఆకులు, బెరడు, వేర్లు, కాయలు, విత్తనాలు అనేక వ్యాధులను నయం చేయడానికి ఉపయోగిస్తారు. వివిధ ప్రాంతాల్లో దీనిని వివిధ పేర్లతో పిలుస్తారు. ఇంగ్లీష్ లో దీన్ని గ్రావియోలా అంటారు. తెలుగులో లక్ష్మణ ఫలం అంటారు.  చూడడానికి ఈ పండు ఆకుపచ్చ రంగులో బయట ముళ్ళతో కనిపిస్తుంది. లోపల మాత్రం మృదువుగా జ్యూసీగా ఉంటుంది. హనుమాన్ పండు తినడం ద్వారా, మహిళలు అనేక ఆరోగ్య సంబంధిత సమస్యల నుంచి ఉపశమనం పొందవచ్చు. హనుమాన్ పండు ఆరోగ్య ప్రయోజనాలను ఇక్కడ  తెలుసుకుందాం.

హనుమాన్ పండు ప్రయోజనాలు 

క్యాన్సర్.. 

హనుమాన్ పండులో క్యాన్సర్ నిరోధక యాంటీఆక్సిడెంట్, యాంటీమైక్రోబయల్, యాంటీబయాటిక్ లక్షణాలు ఉంటాయి.  చాలా మంది ఈ పండును ప్రకృతి కీమోథెరపీ అని కూడా పిలుస్తారు. ఈ పండు శరీరంలోని క్యాన్సర్ కణాలను ఎటువంటి సైడ్ ఎఫెక్ట్స్ లేకుండా చంపడంలో సహాయపడుతుంది. ఆయుర్వేదం ప్రకారం, హనుమాన్ పండు ఆకులను తినడం ద్వారా దాదాపు 12 రకాల క్యాన్సర్ కణాలను ఓడించవచ్చు.

మధుమేహం

ఈ పండులో  డయాబెటిస్ నిరోధక  హైపోలిపిడెమిక్ లక్షణాలు ఉంటాయి. దీని వల్ల ఈ పండు డయాబెటిక్ రోగులకు కూడా ప్రయోజనకరంగా పరిగణించబడుతుంది. పరిశోధనల  ప్రకారం..  రోజూ హనుమాన్ పండును తీసుకోవడం ద్వారా వల్ల రక్తంలో గ్లూకోజ్ స్థాయిలు నియంత్రించబడతాయి.

UTI నుంచి ఉపశమనం

హనుమాన్ ఫ్రూట్  UTI కి సంబంధించిన సమస్యలను అంటే మూత్ర నాళాల ఇన్ఫెక్షన్‌ను నయం చేయడంలోనూ  సహాయపడుతుంది. చాలా మంది మహిళల్లో  UTI అనేది ఒక సాధారణ సమస్య. హనుమాన్ పండులోని పుష్కలమైన విటమిన్ సి  మూత్రంలో ఆమ్ల  స్థాయిని నిర్వహించడంలో సహాయపడుతుంది. తద్వారా UTI సమస్యల నుంచి ఉపశమనం లభిస్తుంది. 

బలమైన రోగనిరోధక వ్యవస్థ

దీనిలో  ప్రోటీన్, ఫైబర్, కాల్షియం, ఐరన్, మెగ్నీషియం, పొటాషియం, ఫాస్పరస్, జింక్, విటమిన్ సి వంటి అనేక పోషకాలు లభిస్తాయి. తద్వారా ఇది రోగనిరోధక శక్తిని బలపరచడంలో  సహాయపడుతుంది.