RTV Exclusive: అమెరికాలో అంబరాన్నింటిన బతుకమ్మ సంబరాలు-VIDEO

తెలంగాణ వ్యాప్తంగా నిన్న సద్దుల బతుకమ్మ వేడుకలు వైభవంగా జరిగాయి. అగ్రరాజ్యం అమెరికాలోనూ మన వాళ్లు బతుకమ్మ సంబరాలను ఘనంగా నిర్వహించారు. ఆర్కాన్సాస్‌ రాష్ట్రంలోని బెంటన్‌విల్లేలో సద్దుల బతుకమ్మ వేడుకలు ఘనంగా జరిగాయి. ఈ వేడుకల్లో కేవలం తెలంగాణ వారే కాకుండే ఏపీ నుంచి వచ్చి స్థిరపడ్డ వారు సైతం పాల్గొని సందడి చేశారు. పూలతో అందమైన బతుకమ్మను పేర్చి.. పాటలు పాడుతూ ఆనందంగా గడిపారు.

సంతోషంగా ఉంది..

ఈ సందర్భంగా వారితో RTV ముచ్చటించింది. బతుకమ్మ వేడుకల్లో పాల్గొనడం సంతోషంగా ఉందన్నారు. ఇలాంటి వేడుకల ద్వారా సొంత ప్రాంతాన్ని మిస్ ప్రాంతాన్ని అవుతున్నామన్న ఫీలింగ్ పోతుందన్నారు. చిన్నప్పుడు తాము ఎంత ఘనంగా ఈ బతుకమ్మ వేడుకలు జరుపుకున్నామో.. ఇప్పుడు ఈ దేశంలో కూడా అలానే జరుపుకుంటున్నందుకు హ్యాపీగా ఉందన్నారు. తమతో పాటు తమ పిల్లలు కూడా ఈ వేడుకల్లో పాల్గొంటున్నారని సంతోషం వ్యక్తం చేశారు.