Ramanujan Pi Formula: పై(π) సూత్రంలో దాగిన బ్లాక్ హోల్ సీక్రెట్.. రామానుజన్ మైండ్ బ్లోయింగ్ ఫార్ములా!

Ramanujan Pi Formula: భారత గణిత శాస్త్రవేత్త శ్రీనివాస రామానుజన్ Srinivasa Ramanujan ఒక శతాబ్దం క్రితం కనిపెట్టిన π (పై) లెక్కించే సూత్రం ఇప్పుడు మళ్లీ చర్చలోకి వచ్చింది. తాజా పరిశోధనల ప్రకారం, ఆయన చేసిన గణిత పని కేవలం సంఖ్యలకే కాకుండా విశ్వ రహస్యాలను అర్థం చేసుకోవడంలో కూడా ఉపయోగపడుతోంది.

రామానుజన్ ప్రత్యేకత

రామానుజన్‌కు పెద్దగా ఫార్మల్ ఎడ్యుకేషన్ లేకపోయినా, ఆయన 17 ఇన్ఫినిట్ సిరీస్‌లను రూపొందించారు. ఇవే నేటి రోజుల్లో π విలువను లక్షల కోట్ల దశాంశాల వరకు ఖచ్చితంగా లెక్కించడానికి ఉపయోగపడుతున్నాయి.

తాజాగా వచ్చిన స్టడీ ప్రకారం, రామానుజన్ సూత్రాలు Logarithmic Conformal Field Theory (LCFT) అనే ఫిజిక్స్ కాన్సెప్ట్‌లో కూడా కనిపిస్తున్నాయి. ఈ థియరీలో, ఒక వస్తువు ఏ పరిమాణంలో చూసినా ఒకేలా కనిపిస్తుంది. ఈ LCFT ద్వారా శాస్త్రవేత్తలు చాలా విషయాలు అర్థం చేసుకుంటున్నారు. ఉదాహరణకు:

• ద్రవం ఎలా ఒక పదార్థంలోకి చేరుతుంది (percolation)
• గాలి, నీటి ప్రవాహంలో వచ్చే మార్పులు (turbulence)
• అలాగే Schwarzschild black hole వంటి బ్లాక్ హోల్స్ అధ్యయనం (Black Hole Study)

అంటే రామానుజన్ చేసిన గణితం, ఆయనకు తెలియకుండానే విశ్వంలోని పెద్ద విషయాలను కూడా స్పృశించింది.

శాస్త్రవేత్తల అభిప్రాయం

శాస్త్రవేత్తలు చెబుతున్నది ఏమిటంటే, మంచి గణితం ఉంటే అది నిజ జీవితంలో ఎక్కడో ఒకచోట ఉపయోగపడుతుంది. రామానుజన్ కూడా అలా చేశారని వారు భావిస్తున్నారు. 1988లో Chudnovsky brothers రూపొందించిన అల్గోరిథం ద్వారా πను చాలా పెద్ద స్థాయిలో లెక్కించారు. కానీ ఆ పద్ధతి కూడా రామానుజన్ సూత్రాల ఆధారంగానే ఉంది.

రామానుజన్ చాలా చిన్న వయసులోనే మరణించినప్పటికీ, ఆయన చేసిన పని ఇప్పటికీ శాస్త్రానికి మార్గదర్శకంగా ఉంది. ఆయన గణితం కేవలం లెక్కలకే కాదు, విశ్వం ఎలా పనిచేస్తుందో అర్థం చేసుకోవడంలో కూడా సహాయం చేస్తోంది.