Ind vs Aus: దుమ్మురేపిన ఆసీస్ బ్యాటర్లు.. భారత్ లక్ష్యం 353 పరుగులు

author-image
By BalaMurali Krishna in Latest News In Telugu స్పోర్ట్స్
New Update
Ind vs Aus: దుమ్మురేపిన ఆసీస్ బ్యాటర్లు.. భారత్ లక్ష్యం 353 పరుగులు

Ind vs Aus: రాజ్‌కోట్ వేదికగా జరుగుతున్న మూడో వన్డేలో ఆస్ట్రేలియా బ్యాటర్లు అదరగొట్టారు. టాస్ గెలిచి బ్యాటింగ్‌కు దిగిన కంగారు జట్టు తొలి బంతి నుంచే దూకుడుగా ఆడటం ప్రారంభించారు. ఓపెనర్ డేవిడ్ వార్నర్ 34 బంతుల్లో 6 ఫోర్లు, 4 సిక్సర్లతో 56 పరుగులు చేసి ఔటయ్యాడు. అనంతరం మిచెల్ మార్ష్ 84 బంతుల్లో 13 ఫోర్లు, 3 సిక్సర్లతో 96 పరుగులు చేయగా.. స్టీవ్ స్మిత్ 74 పరుగులతో రాణించాడు. ఇక మిడిల్ ఆర్డర్ బ్యాట్స్మెన్ లబుషేన్ ఓ వైపు వికెట్లు ప‌డుతున్నప్పటికీ 72 పరుగులతో చివర్లో దుమ్మురేపాడు. ఫలితంగా నిర్ణీత 50 ఓవర్లలో 7 వికెట్ల నష్టానికి 352 పరుగుల భారీ స్కోర్ చేసింది. భారత బౌలర్లలో బుమ్రా మూడు వికెట్ల తీయగా.. కుల్దీప్ యాద‌వ్‌ రెండు, ప్రసిద్ద్ కృష్ణ, మ‌హ్మద్ సిరాజ్‌లు చెరో వికెట్ తీశారు.

భారత తుది జ‌ట్టు: రోహిత్ శర్మ (కెప్టెన్‌), విరాట్ కోహ్లీ, శ్రేయాస్ అయ్యర్, కేఎల్‌ రాహుల్ (వికెట్ కీప‌ర్‌), సూర్యకుమార్ యాదవ్, రవీంద్ర జడేజా, వాషింగ్టన్ సుందర్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్, ప్రసిద్ధ కృష్ణ

ఆస్ట్రేలియా తుది జ‌ట్టు: మిచెల్ మార్ష్, డేవిడ్ వార్నర్, స్టీవెన్ స్మిత్, మార్నస్ లాబుస్చాగ్నే, అలెక్స్ కారీ(వికెట్ కీప‌ర్‌), గ్లెన్ మాక్స్‌వెల్, కామెరాన్ గ్రీన్, పాట్ కమిన్స్(కెప్టెన్‌), మిచెల్ స్టార్క్, తన్వీర్ సంఘా, జోష్ హేజిల్‌వుడ్

మూడు వన్డేల సిరీస్ లో భాగంగా ఇప్పటికే తొలి రెండు వన్డేలు గెలిచిన ఇండియా.. సిరీస్ సొంతం చేసుకుంది. మొదటి రెండు మ్యాచులకు దూరంగా ఉన్న రోహిత్ శర్మ, విరాట్ కోహ్లీ, హార్దిక్ పాండ్యా, కుల్దీప్ యాదవ్ ఈ మ్యాచులో జట్టులోకి వచ్చారు.  ఇక రెండు మ్యాచుల్లో అద‌ర‌గొట్టిన సీనియర్ ప్లేయర్ రవిచంద్రన్ అశ్విన్‌ను ప‌క్క‌న బెట్టి అత‌డి స్థానంలో వాషింగ్ట‌న్ సుంద‌ర్‌కు చోటు ఇచ్చారు.

#NULL
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

Cancer: వేయించిన ఆహారాలతో క్యాన్సర్‌ ముప్పు

నూనెలో డీప్ ఫ్రై చేసిన ఆహారాలను తినడం వల్ల క్యాన్సర్ వచ్చే ప్రమాదం పెరుగుతుంది. బంగాళాదుంపలను సైడ్ డిష్‌, స్నాక్స్‌గా, ప్రాసెస్ చేసిన మాంసాలను తీసుకుంటారు. మాంసాన్ని తక్కువ ఉష్ణోగ్రత వద్ద ఉడికించి తింటే క్యాన్సర్ ప్రమాదాన్ని నివారించవచ్చు.

author-image
By Vijaya Nimma in లైఫ్ స్టైల్ Latest News In Telugu
New Update

Cancer

Cancer: చాలా మంది నూనెలో డీప్ ఫ్రై చేసిన ఆహారాలను ఇష్టపడతారు. వాళ్ళు హోటళ్ళు, రెస్టారెంట్లకు వెళ్ళినప్పుడు అలాంటి ఆహారాలను ఆర్డర్ చేసి తింటారు. ప్రజలు బయటకు వెళ్ళినప్పుడు మాత్రమే కాదు, ఇంట్లో కూడా ఇలాంటి ఆహారాలను తయారు చేసి తింటారు. అయితే ఇలా చేయొద్దని, జాగ్రత్తగా ఉండటం అవసరమని ఆరోగ్య నిపుణులు అంటున్నారు. కొన్ని రకాల వేయించిన ఆహారాలు తినడం వల్ల క్యాన్సర్ వచ్చే ప్రమాదం పెరుగుతుందంటున్నారు. అధిక ఉష్ణోగ్రతల వద్ద ఆహారాన్ని వేడి చేయడం వల్ల హానికరమైన రసాయనాలు ఉత్పత్తి అవుతాయి. ఈ రసాయనాలు క్యాన్సర్ ప్రమాదాన్ని పెంచుతాయి. 

క్యాన్సర్ వచ్చే ప్రమాదం:

అందుకే నిపుణులు కొన్నింటిని ఎక్కువగా వేడి చేయవద్దని, ముఖ్యంగా అవి నల్లగా మారే వరకు వేయించవద్దని హెచ్చరిస్తున్నారు. ఓ అధ్యయనంలో అధిక మొత్తంలో వేయించిన ఆహారాలు తీసుకోవడం వల్ల ప్రోస్టేట్ క్యాన్సర్ వచ్చే ప్రమాదం పెరుగుతుందని గుర్తించారు. మాంసాన్ని ఎక్కువసేపు వేయించడం వల్ల క్యాన్సర్ కారక పదార్థాలు ఉత్పత్తి అవుతాయి. మాంసాన్ని అధిక ఉష్ణోగ్రతల వద్ద వండినప్పుడు, హెటెరోసైక్లిక్ అమైన్స్, పాలీసైక్లిక్ ఆరోమాటిక్ హైడ్రోకార్బన్స్ అనే రసాయనాలు ఏర్పడతాయని నిపుణులు అంటున్నారు. ఈ రసాయనాలు DNA ను దెబ్బతీస్తాయి. అలాగే క్యాన్సర్ ప్రమాదాన్ని పెంచుతాయి. 

ఇది కూడా చదవండి: అవునా.. ఫిల్టర్ వాటర్‌ తాగితే క్యాన్సర్ వస్తుందా.. నిజమెంత?

ప్రాసెస్ చేసిన మాంసాలను అధిక ఉష్ణోగ్రతల వద్ద వేయించడం వల్ల క్యాన్సర్‌కు కారణమయ్యే కార్సినోజెన్‌లు అనే రసాయనాలు ఉత్పత్తి అవుతాయి. అందుకే మాంసాన్ని తక్కువ ఉష్ణోగ్రత వద్ద ఉడికించాలి. ఇలా చేయడం వల్ల క్యాన్సర్ ప్రమాదాన్ని నివారించవచ్చని ఆరోగ్య నిపుణులు హెచ్చరిస్తున్నారు. చాలా మందికి చిప్స్ అంటే ఇష్టం. బంగాళాదుంపలను సైడ్ డిష్‌గా, స్నాక్స్ గా తీసుకుంటారు. అయితే  బంగాళదుంపలను నూనెలో ఎక్కువసేపు వేయించడం వల్ల అక్రిలామైడ్ అనే హానికరమైన రసాయనం ఉత్పత్తి అవుతుంది. దీనివల్ల క్యాన్సర్ రావచ్చు. అందుకే నిపుణులు వాటిని చిప్స్ కు బదులుగా ఉడికించి తినమని సూచిస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మధ్యాహ్నం నిద్రపోయే అలవాటు ఉందా..?


( health-tips | health tips in telugu | latest health tips | best-health-tips | latest-news | telugu-news)

#cancer #health-tips #health tips in telugu #latest health tips #best-health-tips #latest-news #telugu-news
Advertisment
Advertisment
Advertisment