అంబటి రాంబాబు ఎవరో నాకు తెలియదు..ఘాటుగా సెటైర్స్ వేసిన థర్టీ ఇయర్స్ ఇండస్ట్రీ పృథ్వీరాజ్!

మంత్రి అంబటి రాంబాబు కామెంట్స్ పై థర్టీ ఇయర్స్ ఇండస్ట్రీ పృథ్వీరాజ్ ఘాటుగా సెటైర్లు వేశారు. అసలు అంబటి రాంబాబు ఎవరో నాకు తెలియదన్నారు. బ్రో సినిమా సక్సెస్ మీట్ ఈవెంట్ లో పృథ్వీరాజ్ మాట్లాడుతూ.. శ్యాంబాబు ఇష్యూ పై రియాక్ట్ అయ్యారు. ‘సముద్రఖని గారు పిలిచి నాకు సినిమా ఇచ్చారు. ఈ సినిమాలో క్యారెక్టర్ ఎక్కడికో వెళ్లిపోయి నాకు మంచి మైలేజ్ తెచ్చిపెట్టింది. పవన్ గారితో మూడు సినిమాలు చేసాను. ఇది నాలుగోది. ఈ సినిమాలో సముద్రఖని గారు జీవితం పై మంచి మెసేజ్ ఇస్తే అది వదిలేసి.. నా క్యారెక్టర్ ని పట్టుకున్నారు. నన్ను ఆ సినిమా రిలీజ్ దగ్గర నుంచి అందరూ అడుగుతున్నారు.

అది మంత్రి రాంబాబు క్యారెక్టర్ కదా, మంత్రి గారిని డీగ్రేడ్ చేశారని అంటున్నారు. నేను ఒకటే చెప్పాను. రాంబాబు ఎవరో నాకు తెలీదు. అతనేమీ ఆస్కార్ నటుడు కాదు అతన్ని ఇమిటేడ్ చేయడానికి. నాకు సముద్రఖని గారు పిలిచి.. ఒక పనికిమాలిన వెధవ, బారుల్లో పడి తాగుతూ తిరుగుతాడు, అమ్మాయిలతో తిరుగుతాడు అనే క్యారెక్టర్ చెప్పారు. నేను నటుడ్ని కాబట్టి చేస్తాను. ఆ సీన్ చేసేటప్పుడు కూడా నేను బాగా ఎంజాయ్ చేశాను. ఈ శ్యాంబాబు పాత్ర బాగా పేలింది కాబట్టి భవిష్యత్తులో నాకు ఇలాంటి శ్యాంబాబు క్యారెక్టర్స్, అవకాశాలు ఇంకా ఇవ్వాలని కోరుకుంటున్నాను అని తెలిపారు’  పృథ్వీరాజ్.

అయితే పృథ్వీ గతంలో వైసీపీలో ఉన్నారు. అలాంటిది ఇప్పుడు వైసీపీ మంత్రి అంబటి రాంబాబు ఎవరో తెలీదని చెప్పడం గమనార్హం. దీంతో పృథ్వీ వ్యాఖ్యలు ఇప్పుడు వైరల్ గా మారాయి. కాగా, పవన్ కళ్యాణ్, సాయిధరమ్ తేజ్ కలిసి నటించిన బ్రో సినిమా దూసుకెళుతోంది. జనసేనకు సింక్ అయ్యేలా కూడా ఈ సినిమాలో రెండు మూడు సీన్స్ ఉన్నాయి. అయితే ఓ నిమిషం పాటు శ్యాంబాబు పాత్ర మెరుపులా వచ్చిపోతుంది. ఈ క్యారెక్టర్ ను ఏపీ మంత్రి అంబటి రాంబాబు కు కౌంటర్ గా పెట్టారని టాక్ నడుస్తోంది. గతేడాది సంక్రాంతి పండుగకు అంబటి రాంబాబు రోడ్డు మీద డ్యాన్స్ చేశారు.

అయితే సేమ్ టు సేమ్ గా అదే డ్రెస్, అదే డ్యాన్స్ ను  ఈ సినిమాలో పృథ్వీరాజ్ తో వేయించడమే ఇష్యూగా మారింది.  అయితే పవన్ కళ్యాణ్ ఆ క్యారెక్టర్ ని.. డ్యాన్స్ కూడా రాదా అంటూ తిడతాడు. దీంతో అంబటి డ్యాన్స్ వీడియో, పృథ్వీ డ్యాన్ వీడియోని లింక్ చేసింది సోషల్ మీడియాలో వైరల్ అవుతోంది.

ఇక ఈ మూవీలో ఉన్న శ్యాంబాబుయే అంబటి రాంబాబు అంటూ కూడా తెగ ప్రచారం అవుతుండడంతో ఇది కాస్త వైసీపీ మంత్రి అంబటి రాంబాబు దాకా వెళ్లగా ప్రెస్ మీట్ పెట్టి మరీ పవన్ కళ్యాణ్ ని తిట్టారు ఆయన. ట్విట్టర్ లో కూడా పవన్ కి కౌంటర్లు వేశారు. మరి పృథ్వీ ఈ రియాక్షన్ కు మంత్రి అంబటి ఎలా రియాక్ట్ అవుతారనేది ఇప్పుడు ఆసక్తికరంగా మారింది.