Telangana Elections: బాబోయ్ అన్ని కోట్లా?.. వివేక్‌కు ఈడీ బిగ్ షాక్.. డ్రామా మొత్తం రివీల్..

Telangana Elections 2023: మాజీ ఎంపీ, చెన్నూరు నియోజకవర్గ కాంగ్రెస్ ఎమ్మెల్యే అభ్యర్థి​ గడ్డం వివేక్‌(G Vivek)కు ఎన్నికల సమయంలో షాక్​ తగిలింది. వివేక్‌కు చెందిన విశాఖ ఇండస్ట్రీస్ ​లిమిటెడ్ ​నుంచి విజిలెన్స్ ​సెక్యూరిటీ సర్వీసెస్​ సంస్థకు వెళ్లిన రూ. 8 కోట్లు.. వ్యాపారంలో భాగంగా జరిగిన లావాదేవీ కాదని ఈడీ అధికారులు తెలిపారు. విజిలెన్స్ ​సెక్యూరిటీ సంస్థ ఫెమా చట్టాన్ని ఉల్లంఘించిందని, వివేక్ కూడా ఈ చట్టాన్ని ఉల్లంఘించినట్టుగా పేర్కొన్న ఈడీ అధికారులు ఆయనపై ఫెమా చట్టం కింద కేసులు నమోదు చేశారు. ఇటీవల విశాఖ ఇండస్ర్టీస్‌​కు చెందిన బేగంపేటలో ఉన్న ఓ బ్యాంకు నుంచి విజిలెన్స్​ సెక్యూరిటీ సర్వీసెస్‌కు చెందిన ఆదర్శ్‌ ​నగర్‌లో ఉన్న బ్యాంక్​ అకౌంట్​లోకి 8 కోట్ల రూపాయలు రియల్ టైం గ్రాస్​ సెటిల్​మెంట్ ​పద్దతిన ట్రాన్స్‌ఫర్ ​అయిన విషయం తెలిసిందే. ఈ మేరకు సమాచారం అందుకున్న సైఫాబాద్‌ ​పోలీసులు విజిలెన్స్ ​సెక్యూరిటీ సర్వీసెస్‌​కు చెందిన ఖాతా వివరాలను తెలుసుకుని ఆ 8 కోట్ల రూపాయలను ఫ్రీజ్​ చేశారు. ఈ సమాచారాన్ని ఈడీ, ఆదాయపు పన్ను శాఖతోపాటు జిల్లా ఎన్నికల రిటర్నింగ్​ అధికారికి తెలిపారు.

ఈ క్రమంలోనే ఈడీ అధికారులు మంగళ, బుధవారాల్లో వివేక్‌కు చెందిన ఇంటితో పాటు విశాఖ ఇండస్ర్టీస్, విజిలెన్స్ ​సెక్యూరిటీ కార్యాలయాల్లో సోదాలు జరిపారు. వాస్తవానికి విజిలెన్స్ ​సెక్యూరిటీ సర్వీసెస్​ వివేకానంద పరోక్ష నియంత్రణలో నడుస్తున్నట్టు ఈడీ అధికారులు పేర్కొన్నారు. ఇటువంటి పరిస్థితుల్లో వివేకానంద, ఆయన భార్య, ఆయనకు చెందిన కంపెనీలు విజిలెన్స్​ సెక్యూరిటీ సర్వీసెస్‌తో 100 కోట్ల రూపాయల మేర లావాదేవీలు జరిపినట్టుగా తమ విచారణలో నిర్ధారణ అయ్యిందన్నారు ఈడీ అదికారులు. ఈ లావాదేవీల్లో 20 లక్షల రూపాయల లాభం కూడా వచ్చినట్టు బ్యాలెన్స్​ షీట్​లో పేర్కొన్నారన్నారు. విజిలెన్స్ ​సెక్యూరిటీ సర్వీసెస్‌​కు ధీర్ఘకాలిక రుణాలు, అడ్వాన్సుల రూపంలో రూ. 64 కోట్లు ఉన్నట్లు చూపారు.

ఇక, విచారణలో బ్యాంకు ఖాతాను విశ్లేషించినప్పుడు రూ. 200 కోట్ల మేర లావాదేవీలు జరిగినట్టుగా వెల్లడైందన్నారు ఈడీ అధికారులు. విజిలెన్స్ ​సెక్యూరిటీ సర్వీసెస్ ​ఫెమా నిబంధనలను ఉల్లఘించినట్టుగా దర్యాప్తులో నిర్ధారణ అయినట్లు వెల్లడించారు. నిజానికి దీని మాతృసంస్థ యశ్వంత్​ రియల్టర్స్ ​అని తేలిందన్నారు. యశ్వంత్​ రియల్టర్స్‌​కు చెందిన అత్యధిక షేర్లు ఓ విదేశీయుని పేరు మీద ఉన్నట్టు తెలిపారు. తనిఖీల్లో డిజిటల్ ​డివైజ్‌లు, డాక్యుమెంట్లు, కోట్లాది రూపాయల లెక్క లేని లావాదేవీలకు సంబంధించిన ఆధారాలు దొరికాయన్నారు. దాంతోపాటు ప్రాపర్టీ డీల్స్‌లో పెట్టిన లెక్కల్లో చూపించని వందల కోట్ల రూపాయల వివరాలు లభ్యమైనట్టు ప్రకటించింది ఈడి. వివేక్ గ్రూపులోని కంపెనీల్లో జరిగిన ఇంటర్నల్ ​లావాదేవీలకు చెందిన సమాచారం కూడా దొరికినట్టు చెప్పారు. వాస్తవానికి విజిలెన్స్​ సెక్యూరిటీ సర్వీసెస్​ బోగస్ ​సంస్థ, అది పేర్కొన్న చిరునామాలో ఎలాంటి ఆఫీస్​ లేదని స్పష్టం చేసిన ఈడి.

Also Read:

పువ్వాడా మజాకా.. మార్క్ ప్రచారంతో హోరెత్తిస్తున్న మంత్రి.. ఫోటోలు వైరల్..

శబరిమలకు మరో 64 ప్రత్యేక రైళ్లు.. షెడ్యూల్ వివరాలివే..