Devara Movie: ఎన్టీఆర్ కు అక్కగా మంచు లక్ష్మి?

 Devara Movie: RRR సినిమా లాంటి బ్లాక్ బస్టర్ తర్వాత జూనియర్ NTR.. కొరటాల శివ దర్శకత్వంలో  'దేవర' సినిమాతో మళ్ళీ ప్రేక్షకుల ముందుకు రాబోతున్నారు. గతంలో కొరటాల శివ, NTR కాంబినేషన్ లో వచ్చిన 'జనతా గ్యారేజ్' జూనియర్ NTR కెరియర్ లో ఒక మంచి బ్లాక్ బస్టర్ గా నిలిచింది. ఇక రెండో సారి వీళ్లిద్దరి కాంబినేషన్ లో తెరకెక్కుతున్న 'దేవర' సినిమా పై భారీ అంచనాలు ఉన్నాయి. ఇప్పటికే ఈ సినిమా షూటింగ్ పనులు చాలా బిజీగా గ్యాప్ లేకుండా సాగుతున్నాయి. ఈ సినిమాకు సంబంధించి  గోవాలో ప్లాన్ చేసిన షెడ్యూల్లో ప్రముఖ నటీనటులు పాల్గొనబోతున్నారు.

కొరటాల.. దేవర సినిమాను పాన్ ఇండియా రేంజ్ లో ప్లాన్ చేసినట్లుగా తెలుస్తోంది. NTR అభిమానులు కూడా ఈ సినిమా కోసం భారీ అంచనాలతో ఎదురుచూస్తున్నారు. ఇక ఈ సినిమాకు సంబందించిన ప్రతీ అప్డేట్ ఎప్పటికప్పుడు సోషల్ మీడియాలో హైలెట్ అయ్యేలా తగిన జాగ్రత్తలు తీసుకుంటున్నారు మూవీ టీం. ఇటీవలే ఈ సినిమాకు సంబంధించిన లేటెస్ట్ న్యూస్ సోషల్ మీడియాలో వైరల్ గా మారింది.

జానియర్ NTR నటిస్తున్న 'దేవర'లో మంచు లక్ష్మి కనిపించబోతున్నట్లు టాక్ నడుస్తుంది. మంచు లక్ష్మీ NTR అక్కగా కనిపించనున్నట్లు సమాచారం. అయితే  మంచు లక్ష్మి పాత్రలో నెగటివ్ షేడ్స్  కూడా ఉండబోతున్నట్లు చెబుతున్నారు. రీసెంట్ గా తనకు సంబంధించిన షెడ్యూల్లో కూడా ఆమె పాల్గొనట్లుగా సమాచారం. కానీ ఇది ఎంతవరకు నిజమో తెలియాలంటే అధికారిక ప్రకటన వచ్చే వరకు ఆగాల్సిందే. ఇప్పటికే దేవర షూటింగ్ సగానికి పైగా పూర్తయింది. ప్రస్తుతం జూనియర్ NTR కూడా ఈ సినిమా షూటింగ్ లోనే బిజీగా ఉన్నారు.

అయితే ఈ సినిమాను రెండు భాగాలుగా తీయనున్నట్లు ఇప్పటికే క్లారీటీ ఇచ్చిన సంగతి తెలిసిందే. ఈ సినిమా 2024 ఏప్రిల్ 5వ తేదీన విడుదల చేయబోతున్నట్లు గతంలోనే ప్రకటించారు. షూటింగ్ విషయంలో ఆలస్యం లేకుండా అనుకున్న సమయానికే సినిమాను విడుదల చేయాలనీ దర్శకుడు కొరటాల సినిమా విషయంలో చాలా జాగ్రత్తలు తీసుకుంటున్నట్లుగా చెబుతున్నారు.

Also Read: Balakrishna Next Movie: బాలయ్య ఫ్యాన్స్ కు పిచ్చెక్కించే న్యూస్.. నెక్స్ట్ మూవీ గురించి తెలిస్తే పూనకాలే..!