Prabhas - Vivek Oberoi: "ఆయన ఎంతో మందికి స్ఫూర్తి".. ప్రభాస్‌పై వివేక్ ఒబెరాయ్ ప్రశంసల జల్లు!

Prabhas - Vivek Oberoi: ప్రభాస్ వరుస సినిమాలతో అభిమానులను అలరించేందుకు బిజీగా షూటింగ్స్ చేస్తున్నారు. ప్రస్తుతం ఆయన రెండు భారీ ప్రాజెక్టుల్లో నటిస్తున్నారు. స్పిరిట్ సినిమాను సందీప్ రెడ్డి వంగా దర్శకత్వంలో చేస్తుండగా, మరో సినిమా ఫౌజిను హను రాఘవపూడి రూపొందిస్తున్నారు. రెండు సినిమాల షూటింగ్‌లు ఒకేసారి జరుగుతున్నాయి.

ఈ నేపథ్యంలో బాలీవుడ్ నటుడు వివేక్ ఒబెరాయ్ Vivek Oberoi ప్రభాస్‌పై ప్రశంసలు కురిపించారు. ఎండలు తీవ్రంగా ఉన్నా కూడా ప్రభాస్ ఎలాంటి అలసట లేకుండా కష్టపడి పని చేస్తున్నారని ఆయన చెప్పారు. అంత పెద్ద స్టార్ అయినప్పటికీ చాలా సాధారణంగా అందరితో కలిసిపోతారని, ఎలాంటి గర్వం చూపించరని ఆయన అభిప్రాయం వ్యక్తం చేశారు.

షూటింగ్ లొకేషన్‌లో అందరితో స్నేహంగా ఉంటారని, తన టీమ్ కోసం రుచికరమైన వంటకాలు కూడా తీసుకువస్తారని వివేక్ చెప్పారు. ప్రభాస్ పని విధానం ఎంతో మందికి స్ఫూర్తిగా నిలుస్తుందని ఆయన అన్నారు.

ఇక ప్రభాస్ ప్రస్తుతం రెండు సినిమాల డేట్స్‌ను సమన్వయం చేసుకుంటూ, ఒక లొకేషన్ నుంచి మరో లొకేషన్‌కు వెళ్లి షూటింగ్ పూర్తి చేస్తున్నారు. రెండు సినిమాల లుక్స్ వేరుగా ఉండటంతో వాటిపై ప్రత్యేక శ్రద్ధ తీసుకుంటున్నారని సమాచారం.