Jana Nayagan Piracy: ఫ్లాష్.. ఫ్లాష్.. విజయ్ 'జననాయగన్‌' పైరసీ దొంగ దొరికేసాడు!

Jana Nayagan Piracy: తమిళ సినిమా ‘జననాయగన్‌’ లీక్ కేసులో పెద్ద అప్‌డేట్ బయటకు వచ్చింది. చెన్నై సైబర్ క్రైమ్ విభాగం ఈ కేసులో ముగ్గురుని అరెస్ట్ చేసింది. వీరిలో ఒక ఫ్రీలాన్స్ ఎడిటర్ కూడా ఉన్నాడు.

పోలీసుల వివరాల ప్రకారం, ఆ ఎడిటర్ అనుమతి లేకుండా సినిమా ఫుటేజ్‌కి యాక్సెస్ తీసుకున్నాడు. ఆ తర్వాత ఆ వీడియోలను తన స్నేహితులకు పంపించి, అవి సోషల్ మీడియాలో లీక్ అయ్యేలా చేశాడు. దీంతో సినిమా రిలీజ్‌కు ముందే కొన్ని సీన్లు ఆన్‌లైన్‌లో వైరల్ అయ్యాయి.

ఈ ఘటనపై వెంటనే విచారణ ప్రారంభించిన సైబర్ క్రైమ్ అధికారులు, ప్రధానంగా ఈ లీక్‌కు కారణమైన వారిని గుర్తించి అరెస్ట్ చేశారు. మొత్తం మూడు మంది ప్రస్తుతం జ్యుడీషియల్ కస్టడీలో ఉన్నారు.

అధికారులు ఈ ఘటనపై తీవ్రంగా స్పందించారు. డిజిటల్ పైరసీకి సహకరించే వారిపై కఠిన చర్యలు తప్పవని హెచ్చరించారు. సినిమా పైరసీ వల్ల చిత్ర పరిశ్రమకు పెద్ద నష్టం జరుగుతుందని కూడా తెలిపారు.

మొత్తానికి, ‘జననాయగన్‌’ లీక్ కేసులో కీలక నిందితులు పట్టుబడటంతో ఈ కేసు ఇప్పుడు మరింత వేగంగా ముందుకు సాగుతోంది.