Ustaad Bhagat Singh: ఉస్తాద్‌కు బ్రేక్ వేసిన ధురంధర్.. డే 2 కలెక్షన్స్ భారీ డ్రాప్..!

Ustaad Bhagat Singh: పవర్ స్టార్ పవన్ కళ్యాణ్ Pawan Kalyan హీరోగా వచ్చిన ‘ఉస్తాద్ భగత్ సింగ్’ సినిమా బాక్స్ ఆఫీస్‌లో డే 2 వరకు పెద్దగా ఊహించిన బూస్ట్ ఇవ్వడం లేదు. మొదటి రోజు సుమారు ₹48 కోట్ల గ్రాస్‌తో మంచి ప్రారంభం అయినా, రెండో రోజు గ్రోత్ తక్కువగా ఉండటం నిరాశ కలిగిస్తోంది.

ఇండియాలో డే 2 కలెక్షన్స్ సుమారు ₹10.40 కోట్లు ఉండగా, నార్త్ అమెరికా నుండి ₹70 లక్షలకంటే తక్కువ వసూలు నమోదైంది. దీంతో వరల్డ్ వైడ్ డే 2 టోటల్ సుమారు ₹12 కోట్లు మాత్రమే, వీకెండ్‌లో సాధారణంగా ఊహించే జంప్ కంటే చాలా తక్కువ.

Ustaad Bhagat Singh Day 2 Collections

ఆంధ్రప్రదేశ్‌లో సినిమాకు కొంత వరకు మంచి వసూళ్లే వస్తున్నప్పటికీ, తెలంగాణ, ఓవర్‌సీస్ మార్కెట్లో పరిస్థితి నిరాశాజనకంగా ఉంది. ప్రధానంగా, Dhurandhar: The Revenge (ధురంధర్ 2) ఆడియన్స్‌ని పూర్తిగా ఆకర్షించిన కారణంగా, ‘ఉస్తాద్ భగత్ సింగ్’కి ట్రాఫిక్, విజిబిలిటీ తగ్గింది. నార్త్ అమెరికాలో ‘ధురంధర్ 2’ రెండు రోజులలో $7 మిలియన్‌ను దాటింది.

హరీష్ శంకర్ దర్శకత్వంలో శ్రీలీల, రాశీ ఖన్నా కథానాయికలుగా నటించిన ఈ సినిమా ఎక్కువ వసూళ్లను సాధిస్తుందనే అంచనా ఉంది. కానీ ఆడియన్స్ మిక్స్డ్ టాక్, బలమైన పోటీ ఫలితంగా సినిమా డే 2 వరకు స్లో కలెక్షన్స్ రాబడుతుంది. ప్రేక్షకులు వీకెండ్‌లో సినిమాను ఏ రేంజ్ లో చూస్తారు అనే దానిపై సినిమా కలెక్షన్స్ ఆధారపడి ఉంది. మరి రానున్న రోజుల్లో సినిమా ఎలా ఆడుతుందో చూడాలి!