Samsung Galaxy F17 5G: బడ్జెట్‌లో బెస్ట్ డీల్! తక్కువ ధర.. భారీ ఫీచర్లు!

Samsung Galaxy F17 5G: రూ.15,000 లోపు మంచి 5G స్మార్ట్‌ఫోన్ కోసం చూస్తున్న వారికి సామ్‌సంగ్ గెలాక్సీ F17e 5G ఒక మంచి మొబైల్ తీసుకొచ్చింది. ఈ ఫోన్ మంచి పనితీరు, బ్యాటరీ, మంచి కెమెరాతో వస్తోంది. ప్రస్తుతం ఇది ఫ్లిప్‌కార్ట్‌లో తగ్గింపు ధరకు అందుబాటులో ఉంది.

ఈ ఫోన్ అసలు ధర రూ.16,999 అయినప్పటికీ, ఇప్పుడు డిస్కౌంట్‌తో రూ.14,499కి లభిస్తోంది. అదనంగా, ఫ్లిప్‌కార్ట్ యాక్సిస్ బ్యాంక్ లేదా ఎస్‌బీఐ క్రెడిట్ కార్డ్‌తో చెల్లిస్తే రూ.725 వరకు తగ్గింపు పొందవచ్చు. దీంతో ఫోన్ ధర సుమారు రూ.13,774కి పడిపోతుంది. ఎక్స్చేంజ్ ఆఫర్ ద్వారా రూ.10,000 వరకు తగ్గింపు కూడా పొందే అవకాశం ఉంది. EMI సౌకర్యం కూడా ఉంది, నెలకు రూ.510 నుంచి ప్రారంభమవుతుంది.

ఫోన్ స్పెసిఫికేషన్లు కూడా బాగానే ఉన్నాయి. ఇందులో 6.74 అంగుళాల LCD డిస్‌ప్లే ఉండి, 120Hz రిఫ్రెష్ రేట్‌ను సపోర్ట్ చేస్తుంది. ఫోన్ మీడియాటెక్ డైమెన్సిటీ 6300 ప్రాసెసర్‌తో పనిచేస్తుంది, ఇది రోజువారీ వాడకానికి సరిపడా వేగం ఇస్తుంది.

కెమెరా విషయానికి వస్తే, బ్యాక్ సైడ్ 50 మెగాపిక్సెల్ కెమెరా, 2 మెగాపిక్సెల్ సెకండరీ కెమెరా ఉన్నాయి. ముందు భాగంలో 8 మెగాపిక్సెల్ కెమెరా ఉంది, ఇది సెల్ఫీలకు సరిపోతుంది.

ఈ ఫోన్‌లో 6000mAh పెద్ద బ్యాటరీ ఉంది. ఒకసారి ఛార్జ్ చేస్తే ఎక్కువసేపు ఉపయోగించుకోవచ్చు. కంపెనీ ప్రకారం, ఇది 26 గంటల వరకు వీడియోలు ప్లే చేయగలదు. ఫోన్ 4GB RAM, 128GB స్టోరేజ్‌తో వస్తుంది.

మొత్తానికి, తక్కువ ధరలో మంచి ఫీచర్లు కావాలనుకునే వారికి ఈ సామ్‌సంగ్ ఫోన్ మంచి ఆప్షన్‌ అని చెప్పొచ్చు.