Rajinikanth IFFI 2025: 100 జన్మలెత్తినా మళ్లీ మళ్లీ రజినీకాంత్‌గానే జన్మిస్తా..!

Rajinikanth IFFI 2025: గోవాలో జరిగిన 56వ అంతర్జాతీయ భారత సినిమా వేడుక (IFFI 2025) ఈసారి ఒక ప్రత్యేక క్షణానికి సాక్షిగా నిలిచింది. భారత సినిమా ప్రపంచానికి చిరస్మరణీయమైన పేరు, కోట్లాది అభిమానుల మనసుల్లో దేవుడిగా నిలిచిన సూపర్‌స్టార్ రజినీకాంత్ గారికి ఈ కార్యక్రమంలో ‘లైఫ్‌టైమ్ అచీవ్‌మెంట్ అవార్డు’ అందించారు. ఈ అవార్డును కేంద్ర సమాచార & ప్రసార శాఖ మంత్రి అశ్విని వైష్ణవ్, పలువురు ప్రముఖులు కలిసి రజినీ గారికి అందజేశారు.

Also Read :  రణ్‌వీర్ సింగ్ 'ధురంధర్' షాకింగ్ రన్‌టైమ్.. ఎన్ని గంటలంటే..?

🔥 Fifty Years of Pure Rajni Magic! 🔥

As #IFFI2025 celebrates 50 glorious years of Rajinikanth, we honour a legend who reimagined heroism, elevated storytelling and connected with millions through sheer charisma and heart.

From breaking box-office records to redefining Indian… pic.twitter.com/jBRCBkZXAS

— PIB in Goa 🇮🇳 (@PIB_Panaji) November 28, 2025

అవార్డు అందుకున్న తర్వాత రజినీకాంత్ గారు ఎంతో భావోద్వేగంతో మాట్లాడారు. “నాకు నటన అంటే, సినిమాలు అంటే ఎంతో ప్రేమ. నాకు 100 జన్మలు వచ్చినా, మళ్లీ మళ్లీ రజినీకాంత్‌గానే జన్మించాలని కోరుకుంటాను. ఈ అవార్డు నా ఒక్కరికి కాకుండా మొత్తం సినిమా ప్రపంచానికి చెందింది. నన్ను నిలబెట్టిన దేవుళ్లు అంటే నా అభిమానులే.” రజినీకాంత్ గారి మాటలు అక్కడున్న ప్రతి ఒక్కరిని కదిలించింది. వయసు ఎంతైనా, అనుభవం ఎంతైనా, ఆయనలోని ఆ తేజం, ఆ సింపుల్ సిటీ ఎప్పటికీ మారనివి.

గోవా వేదికపై నిలబడి, రజినీకాంత్ గారు తన అభిమానులకు ఒక సందేశం ఇచ్చారు. “ఇది ముగింపు కాదు… ఇది ఒక కొత్త మొదలు మాత్రమే!”
అని ఆయన తన ప్రత్యేక చిరునవ్వుతో ముగించారు. ఆ మాటలు వినగానే హాల్‌లో కూర్చున్న అందరికి ఉత్సాహం వచ్చింది.

ప్రతి సంవత్సరం జరిగే గోవా ఫిల్మ్ ఫెస్టివల్ ఎంతో మంది కళాకారులను గౌరవిస్తుంది. కానీ ఈ ఏడాది రజినీకాంత్ గారు అవార్డు అందుకున్న క్షణం ఆ వేదికను ఒక కొత్త స్థాయికి తీసుకెళ్లింది. ఆయన ఒక్క మాటతోనే, ఒక్క చిరునవ్వుతోనే, అక్కడి వాతావరణం పూర్తిగా మారిపోయింది. రజినీకాంత్ గారు కేవలం నటుడు మాత్రమే కాదు. ఆయన ఒక అనుభూతి. ఆయన పేరు వినగానే మనసులో ఒక ఆనందం కలుగుతుంది. ఎన్నో దశాబ్దాలుగా ఆయన సినిమాలు ప్రజలను అలరిస్తూనే ఉన్నాయి. ఆ పాత్రలు, ఆ శైలి, ఆ డైలాగులు ప్రజల మనసుల్లో ఎప్పటికీ నిలిచిపోతాయి. అభిమానులు ప్రేమతో పిలిచే “తలైవా” గారి ప్రయాణం ఒక కొత్త అధ్యాయం. ఆయన కోసం ఎదురు చూసే అభిమానులు ఎప్పటికీ తగ్గరు.

సూపర్‌స్టార్ రజినీకాంత్ గారి ఈ గౌరవం కేవలం ఒక అవార్డు కాదు. ఇది ఆయన చేసిన కష్టానికి, చూపిన ప్రేమకు, ఇచ్చిన ప్రేరణకు ప్రజలు చెప్పిన పెద్ద ధన్యవాదం. గోవా ఫిల్మ్ ఫెస్టివల్ 2025 దీనితో మరింత ప్రత్యేకంగా నిలిచింది.