OG TV Premieres: పవన్ కళ్యాణ్ ‘OG’ బుల్లితెర ఎంట్రీకి రెడీ.. టాప్ ఛానల్ చేతికి శాటిలైట్ రైట్స్!

OG TV Premieres: పవర్ స్టార్ పవన్ కళ్యాణ్ నటించిన స్టైలిష్ గ్యాంగ్‌స్టర్ యాక్షన్ డ్రామా ‘OG’ (ఓరిజినల్ గ్యాంగ్‌స్టర్) థియేటర్లలో భారీ విజయాన్ని అందుకున్న సంగతి తెలిసిందే. సుజీత్ దర్శకత్వంలో తెరకెక్కిన ఈ సినిమా తన స్టైలిష్ టేకింగ్, పవన్ కళ్యాణ్ పవర్‌ఫుల్ పెర్ఫార్మెన్స్‌తో ప్రేక్షకులను బాగా ఆకట్టుకుంది. తమన్ ఇచ్చిన బ్యాక్‌గ్రౌండ్ మ్యూజిక్, పాటలు కూడా సినిమాకు పెద్ద హైలైట్‌గా నిలిచాయి.

థియేటర్లలో సూపర్ హిట్ అయిన ఈ సినిమా ఇప్పటికే ఓటీటీలో కూడా స్ట్రీమింగ్ అవుతోంది. అయితే టెలివిజన్ (శాటిలైట్) హక్కులపై మాత్రం ఇప్పటివరకు స్పష్టత లేకుండా ఉంది. ఇప్పుడు ఆ సస్పెన్స్‌కు తెరపడినట్లు కనిపిస్తోంది.

ఫిలింనగర్ వర్గాల సమాచారం ప్రకారం, ‘OG’ శాటిలైట్ హక్కులను ఈటీవీ (ETV) భారీ ధరకు దక్కించుకుందని తెలుస్తోంది. త్వరలోనే ఈ సినిమాను బుల్లితెరపై ప్రసారం చేయడానికి ఛానల్ ప్లాన్ చేస్తోందని టాలీవుడ్‌లో చర్చ జరుగుతోంది.

ఈ విషయంపై అధికారిక ప్రకటనతో పాటు వరల్డ్ టెలివిజన్ ప్రీమియర్ తేదీ కూడా త్వరలో ప్రకటించే అవకాశం ఉంది. థియేటర్లు, ఓటీటీల్లో ఇప్పటికే మంచి విజయాన్ని సాధించిన ఈ సినిమా, ఇప్పుడు టీవీ ప్రసారంలో కూడా పెద్ద రేటింగ్స్ సాధిస్తుందని అంచనా వేస్తున్నారు.

డీవీవీ ఎంటర్‌టైన్‌మెంట్స్ బ్యానర్‌పై డీవీవీ దానయ్య ఈ సినిమాను నిర్మించారు. ఇందులో పవన్ కళ్యాణ్‌తో పాటు ప్రియాంక మోహన్ హీరోయిన్‌గా నటించగా, బాలీవుడ్ నటుడు ఇమ్రాన్ హష్మీ విలన్ పాత్రలో కనిపించారు.