NTR God of War: ఎన్టీఆర్ - త్రివిక్రమ్ ‘గాడ్ ఆఫ్ వార్’పై భారీ బజ్.. బర్త్‌డేకు స్పెషల్ వీడియో?

NTR God of War: టాలీవుడ్‌లో ప్రస్తుతం ఎక్కువగా చర్చ జరుగుతున్న ప్రాజెక్ట్‌లలో గాడ్ ఆఫ్ వార్ God of War ఒకటి. జూ. ఎన్టీఆర్ హీరోగా, దర్శకుడు త్రివిక్రమ్ శ్రీనివాస్ Trivikram Srinivas తెరకెక్కించబోయే ఈ సినిమా గురించి ఇప్పుడు కొత్త వార్తలు వైరల్ అవుతున్నాయి.

ఈ సినిమా దేవతల సేనాధిపతి కార్తికేయుడి నేపథ్యంతో రూపొందనున్న భారీ మైథలాజికల్ డ్రామా అని ఇప్పటికే టాలీవుడ్‌లో టాక్ నడుస్తోంది. ఇప్పుడు ఈ ప్రాజెక్ట్ నుంచి అభిమానులకు ప్రత్యేక సర్‌ప్రైజ్ ఇవ్వాలని మూవీ టీమ్ ప్లాన్ చేస్తున్నట్లు సమాచారం.

మే 20న ఎన్టీఆర్ పుట్టినరోజు సందర్భంగా సినిమా గురించి గ్రాండ్ అనౌన్స్‌మెంట్ వచ్చే అవకాశాలు కనిపిస్తున్నాయి. కేవలం పోస్టర్ మాత్రమే కాకుండా, ప్రత్యేకంగా ఒక అనౌన్స్‌మెంట్ వీడియోను కూడా సిద్ధం చేస్తున్నారని సమాచారం.

ఈ వీడియోను చాలా గ్రాండ్‌గా రూపొందిస్తున్నారట. కథలో దేవతల నేపథ్యం ఉండటంతో హాలీవుడ్ స్థాయి వీఎఫ్ఎక్స్ ఉపయోగిస్తున్నారని టాలీవుడ్ వర్గాలు చెబుతున్నాయి. ప్రస్తుతం ఈ వీడియో పనులు వేగంగా జరుగుతున్నాయని తెలుస్తోంది.

వీఎఫ్ఎక్స్ పనులు సమయానికి పూర్తి అయితే, ఎన్టీఆర్ బర్త్‌డే రోజున అభిమానులకు భారీ ట్రీట్ ఉండొచ్చని అంటున్నారు. ఈ వార్తతో తారక్ ఫ్యాన్స్ సోషల్ మీడియాలో ఇప్పటికే హంగామా మొదలుపెట్టారు.

ఈ సినిమాను [Haarika & Hassine Creations] బ్యానర్‌పై నిర్మాత ఎస్. రాధాకృష్ణ నిర్మించనున్నారు. గతంలో అరవింద సమేత Aravinda Sametha Veera Raghava తర్వాత ఎన్టీఆర్ - త్రివిక్రమ్ కాంబినేషన్‌లో వస్తున్న సినిమా కావడంతో అంచనాలు భారీగా ఉన్నాయి.

అన్ని అనుకున్నట్టుగా జరిగితే త్వరలోనే ‘గాడ్ ఆఫ్ వార్’ అధికారిక వీడియో విడుదలై సోషల్ మీడియాలో కొత్త రికార్డులు సృష్టించే అవకాశం ఉందని సినీ వర్గాలు భావిస్తున్నాయి.