Dhurandhar 2 VS Ustaad: వార్ వన్ సైడ్.. దూసుకెళ్తోన్న "ధురంధర్ 2" అడ్వాన్స్ బుకింగ్స్..!

Dhurandhar 2 VS Ustaad: హైదరాబాద్‌లో యాక్షన్ థ్రిల్లర్ సినిమా ధురంధర్ 2 కు ప్రేక్షకుల నుంచి ఊహించని స్థాయిలో స్పందన వస్తోంది. మార్చి 18న పెట్టిన ప్రత్యేక ప్రివ్యూ షోల కోసం టికెట్లు చాలా వేగంగా అమ్ముడవుతున్నాయి. ముఖ్యంగా నగరంలోని పెద్ద మల్టీప్లెక్స్ థియేటర్లలో ఇప్పటికే చాలా షోలు హౌస్‌ఫుల్ అయ్యాయి.

ఈ సినిమాకు దాదాపు 3 గంటలు 55 నిమిషాల భారీ రన్‌టైమ్ ఉంది. అలాగే సెన్సార్ బోర్డు దీనికి ‘A’ సర్టిఫికెట్ ఇచ్చింది. సాధారణంగా ఇంత పెద్ద రన్‌టైమ్ ఉన్న సినిమా అయితే ప్రేక్షకులు కాస్త ఆలోచించి వెళ్తారు. అయినా కూడా ఈ సినిమాకు మాత్రం భారీ డిమాండ్ కనిపిస్తోంది.

హైదరాబాద్‌లోని ప్రముఖ థియేటర్లు ఇప్పటికే టికెట్లు వేగంగా అమ్ముకుంటున్నాయి. గచ్చిబౌలిలో ఉన్న AMB సినిమాస్ లో ప్రివ్యూ షోలు పూర్తిగా సొల్డ్ అవుట్ అయ్యాయి. అలాగే ప్రసాద్ మల్టీప్లెక్స్ లో కూడా టికెట్లు చాలా వేగంగా బుక్ అవుతున్నాయి. నగరంలోని మరికొన్ని మల్టీప్లెక్స్‌లు, సింగిల్ స్క్రీన్ థియేటర్లలో కూడా హౌస్‌ఫుల్ బోర్డులు కనిపిస్తున్నాయి.

ఇంకా ఆసక్తికరమైన విషయం ఏమిటంటే ఈ సినిమా విడుదల తర్వాత మార్చి 19న పవన్ కళ్యాణ్ నటించిన ఉస్తాద్ భగత్ సింగ్ సినిమా కూడా విడుదలకు సిద్ధంగా ఉంది. పవర్ స్టార్ సినిమాకు టాలీవుడ్‌లో ఎప్పుడూ భారీ క్రేజ్ ఉంటుంది. కాని "ధురంధర్ 2" తనకంటూ మంచి బుకింగ్స్ సాధించడం ఆశ్చర్యంగా మారింది.

ఇంత పెద్ద స్టార్ సినిమా పోటీగా ఉన్నప్పటికీ ప్రేక్షకులు "ధురంధర్ 2" పై మంచి ఆసక్తి చూపుతున్నారు. కథ, యాక్షన్ పై ఉన్న హైప్ కారణంగా ఈ సినిమా కోసం అభిమానులు ముందుగానే టికెట్లు బుక్ చేసుకుంటున్నారు.

సినిమా రన్‌టైమ్ ఎక్కువగా ఉండటం, ‘A’ సర్టిఫికెట్ రావడం వంటి విషయాలు సాధారణంగా కలెక్షన్లపై ప్రభావం చూపుతాయి. కానీ ప్రస్తుతం చూస్తుంటే ఈ అంశాలు ప్రేక్షకులను ఆపడం లేదు.

మార్చి 18న జరిగే ప్రివ్యూ షోల తర్వాత సినిమా గురించి మంచి టాక్ వస్తే, ఓపెనింగ్ వీకెండ్ లో ఈ సినిమా బాక్స్ ఆఫీస్ వద్ద భారీ కలెక్షన్లు సాధించే అవకాశం ఉందని ట్రేడ్ వర్గాలు భావిస్తున్నాయి.