1 Nenokkadine Re Release: మళ్ళీ థియేటర్లలో మహేష్ ‘1 నేనొక్కడినే’.. రిలీజ్ ఎప్పుడంటే?

1 Nenokkadine Re Release: సూపర్ స్టార్ మహేష్ బాబు(Mahesh Babu) నటించిన ‘1 నేనొక్కడినే’ సినిమా ఆయన కెరీర్‌లో ప్రత్యేక స్థానం సంపాదించింది. సుకుమార్ దర్శకత్వంలో వచ్చిన ఈ సైకాలజికల్ థ్రిల్లర్ సినిమా మొదట విడుదలైనప్పుడు చాలా మందికి అర్థం కాలేదు. కానీ తర్వాత ఈ సినిమా ఒక మంచి క్లాసిక్‌గా గుర్తింపు పొందింది.

ఈ సినిమాతో మహేష్ బాబు తనయుడు గౌతమ్ ఘట్టమనేని చిన్నప్పటి మహేష్ పాత్రలో తెరపై కనిపించడం కూడా ప్రత్యేక ఆకర్షణగా నిలిచింది. మహేష్ నటన, సుకుమార్ కథ చెప్పే విధానం ఈ సినిమాకు పెద్ద ప్లస్ పాయింట్లు.

ఇప్పుడు ఈ సినిమాను మళ్లీ ప్రేక్షకుల ముందుకు తీసుకురావడానికి మేకర్స్ సిద్ధమయ్యారు. మెరుగైన క్వాలిటీతో 4Kలో రీ-రిలీజ్ చేయనున్నారు. లెజెండరీ నటుడు కృష్ణ గారి జయంతి సందర్భంగా మే 31న ఈ సినిమా థియేటర్లలో మళ్లీ విడుదల కానుంది.

దేవిశ్రీ ప్రసాద్ అందించిన పాటలు, బ్యాక్‌గ్రౌండ్ మ్యూజిక్ మళ్లీ థియేటర్లలో వినిపించబోతున్నాయి. అలాగే రత్నవేలు తీసిన అందమైన విజువల్స్ 4Kలో చూడటం ప్రేక్షకులకు కొత్త అనుభూతిని ఇస్తుంది.

ఇప్పటికే మహేష్ బాబు ‘SSMB29’ సినిమా కోసం కొత్త లుక్‌లో సిద్ధమవుతున్నారు. ఈ సమయంలో ఆయన పాత హిట్ సినిమాలు మళ్లీ విడుదల కావడం ఫ్యాన్స్‌కు ఆనందంగా ఉంది. ‘మురారి’ రీ-రిలీజ్ మంచి వసూళ్లు సాధించగా, ఇప్పుడు ‘1 నేనొక్కడినే’ కూడా మంచి రెస్పాన్స్ అందుకుంటుందా అన్న ఆసక్తి నెలకొంది.