Ravi Teja Irumudi: మాస్ మహారాజ్ రవితేజ “ఇరుముడి”లో ఫేమస్ రీమిక్స్ సాంగ్!

Ravi Teja Irumudi: మాస్ మహారాజా రవితేజ హీరోగా, దర్శకుడు శివ నిర్వాణ తెరకెక్కిస్తున్న కొత్త సినిమా “ఇరుముడి”. ఈ చిత్రాన్ని మైత్రీ మూవీ మేకర్స్ నిర్మిస్తున్నారు. ప్రియా భవానీ శంకర్ హీరోయిన్‌గా నటిస్తుండగా, సాయికుమార్, బేబీ నక్షత్ర, అజయ్ ఘోష్ వంటి నటులు ముఖ్య పాత్రల్లో కనిపించనున్నారు.

ప్రస్తుతం షూటింగ్ జరుగుతున్న ఈ సినిమాలో రవితేజ అయ్యప్ప స్వామి భక్తుడిగా కనిపించనున్నాడు. ఈ కారణంగా సినిమాలో భక్తి అంశాలు కూడా ఉండబోతున్నాయి.

ఇదిలా ఉంటే, ప్రసిద్ధ అయ్యప్ప పాట “ఎక్కినాడు పల్లకి”ను ఈ సినిమాలో రీమిక్స్ చేయాలని ఆలోచిస్తున్నారని వార్తలు వస్తున్నాయి. ఈ విషయంపై సంగీత దర్శకుడు జివి ప్రకాశ్ కుమార్ స్పందిస్తూ, ఈ పాటను రీమిక్స్ చేయాలని అభిమానులు కోరుతున్నారని చెప్పారు. అయితే దీనిపై తుది నిర్ణయం దర్శకుడు, నిర్మాతలదేనని తెలిపారు.

ఈ సినిమా తండ్రి-కూతురు మధ్య భావోద్వేగంతో పాటు యాక్షన్ కలిసిన కథతో రూపొందుతోంది. ఈ ఏడాది చివర్లో సినిమా ప్రేక్షకుల ముందుకు వచ్చే అవకాశం ఉంది. సినిమాకు ఎడిటింగ్‌ను ప్రవీణ్ పూడి, సినిమాటోగ్రఫీని విష్ణు శర్మ నిర్వహిస్తున్నారు.