Dhurandhar Telugu: వెయిట్‌ ఈజ్‌ ఓవర్‌.. "ధురంధర్" తెలుగు వెర్షన్ బుకింగ్స్ షురూ..!

Dhurandhar Telugu: రణవీర్ సింగ్ నటించిన ‘ధురంధర్: ది రివెంజ్’ సినిమాకు తెలుగు రాష్ట్రాల్లో మంచి క్రేజ్ పెరుగుతోంది. మొదట ఈ సినిమా తెలుగు డబ్బింగ్ వెర్షన్ సెన్సార్ సమస్యల కారణంగా ఆలస్యం అయినా, ఇప్పుడు థియేటర్లలో ప్రదర్శనకు సిద్ధమైంది.

ఇప్పటికే అడ్వాన్స్ బుకింగ్స్ ఓపెన్ కావడంతో ప్రేక్షకులు భారీగా టికెట్లు బుక్ చేస్తున్నారు. చిన్న పట్టణాల్లో కూడా హౌస్‌ఫుల్ షోలు కనిపిస్తున్నాయి. ఈ డిమాండ్‌ను చూసి ట్రేడ్ వర్గాలు కూడా ఆశ్చర్యపోతున్నాయి. చాలా చోట్ల సీట్లు సరిపోక అదనపు షోలు పెట్టాల్సిన పరిస్థితి వచ్చింది. కొన్ని థియేటర్లు తెల్లవారుజామునే స్పెషల్ షోలు ప్లాన్ చేస్తున్నాయి.

ఈ సినిమాకు ఆదిత్య ధర్ Aditya Dhar దర్శకత్వం వహించారు. హిందీ వెర్షన్ మార్చి 19న విడుదలై మంచి కలెక్షన్లు సాధిస్తోంది. ఇతర భాషల్లో కూడా అదే రోజు రావాల్సి ఉండగా, కొన్ని సాంకేతిక కారణాల వల్ల ఆలస్యమైంది.

ఇప్పుడు తెలుగు, తమిళ, మలయాళ భాషల్లో సెన్సార్ పూర్తయింది. హిందీ వెర్షన్ నిడివి 3 గంటల 49 నిమిషాలు కాగా, ఈ మూడు భాషల్లో సినిమా 3 గంటల 51 నిమిషాల పాటు ఉంటుంది. కన్నడ వెర్షన్‌కు ఇంకా సెన్సార్ క్లియర్ కాలేదు.

మొత్తానికి, భారీ అంచనాల మధ్య వచ్చిన ఈ సినిమా అన్ని ప్రాంతాల్లో మంచి రెస్పాన్స్ తో ముందుకు సాగుతోంది. ప్రేక్షకుల ఆసక్తి రోజురోజుకు పెరుగుతోంది.