'కిక్ 2' కోసం గెట్ రెడీ.. సల్మాన్ ఖాన్ పోస్టర్ వైరల్

Salman Khan Kick 2:  

బాలీవుడ్ భాయీజాన్ సల్మాన్ ఖాన్ కెరీర్ లో వన్ ఆఫ్ ది బిగ్గెస్ట్ కమర్షియల్ హిట్ గా నిలిచిన చిత్రం  'కిక్'. 2014 లో విడుదలైన ఈ మూవీ బాక్స్ ఆఫీస్ వద్ద కాసుల వర్షం కురిపించింది. 100 కోట్లతో ఈ సినిమాను రూపొందించగా..  378 కోట్ల వసూళ్లను రాబట్టింది. అయితే దాదాపు పదేళ్ల తర్వాత మేకర్స్ ఈ సినిమా సీక్వెల్ ను అనౌన్స్ చేశారు. 

కిక్ 2 అనౌన్సమెంట్ 

తాజాగా 'కిక్' మూవీ  దర్శకుడు సాజిద్‌ నడియాద్వాలా  'కిక్' 2 కోసం గెట్ రెడీ అంటూ సోషల్ మీడియా వేదికగా సల్మాన్ ఖాన్ ఫొటోను షేర్ చేశారు. ఇందులో కండల వీరుడు  సల్మాన్ బ్లాక్ బనియన్ లో జేబులో చేతులు పెట్టుకొని స్టైలిష్ గా కనిపించారు. అంతే కాదు ఇప్పటికే  'కిక్ 2' సినిమాకు సంబంధించిన  ఫొటో షూట్ కూడా చేసినట్లు తెలిపారు. 

ప్రస్తుతం సల్మాన్ ఖాన్ 'సికందర్' సినిమాతో బిజీగా ఉన్నారు.  ఏఆర్ మురుగదాస్ దర్శకత్వం వహిస్తున్న ఈ మూవీ 2025 బక్రీద్ కానుకగా ప్రేక్షకుల ముందుకు రానుంది. ఈ మూవీలో రష్మిక మందన, కాజల్ ఫీమేల్ లీడ్స్ గా నటించగా.. బిగ్ బీ అమితాబ్ బచ్చన్ మరో ప్రధాన పాత్రలో నటిస్తున్నారు. ఇప్పటికే ఈ మూవీ నుంచి విడుదలైన ప్రమోషనల్ కంటెంట్ ప్రేక్షకులలో ఆసక్తిని పెంచుతోంది. 

View this post on Instagram

A post shared by Nadiadwala Grandson (@nadiadwalagrandson)

Also Read:  'నీతో ఇక బ్రేకప్..' జెనిలియాకు భర్త రితీశ్‌ మెసేజ్.. అసలేం జరిగింది?