Shanti Priya: ఈ హీరోయిన్ ను గుర్తుపట్టారా..? 90's కుర్రాళ్ల కలలరాణి.. ఇప్పుడు ఎలా ఉందో చూడండి

శాంతిప్రియ తెలుగు, హిందీ సినిమాల్లో హీరోయిన్‌గా గుర్తింపు పొందారు. సిద్ధార్థ్ రే ను వివాహం చేసుకుని సినిమాలకు దూరమయ్యారు. ఆయన మరణంతో కష్టాలు ఎదుర్కొన్న ఆమె, ఇప్పుడు మళ్లీ నటనలోకి వచ్చి సోషల్ మీడియాలో యాక్టివ్‌గా ఉంటున్నారు.

author-image
By Lok Prakash in సినిమా Latest News In Telugu
New Update
Shanti Priya

Shanti Priya

Shanti Priya: శాంతిప్రియ ప్రముఖ నటి భానుప్రియ చెల్లెలుగా సినీ రంగంలోకి వచ్చారు. తెలుగు, తమిళ్, హిందీ భాషల్లో నటిస్తూ మంచి గుర్తింపు పొందారు. మహర్షి సినిమాతో టాలీవుడ్‌లో అడుగుపెట్టి, తర్వాత ఎన్నో సినిమాల్లో హీరోయిన్‌గా కనిపించారు.

కెరీర్ బాగానే సాగుతున్న సమయంలో బాలీవుడ్‌కు వెళ్లి అక్కడ కూడా వరుస సినిమాలు చేశారు. తక్కువ సమయంలోనే కొన్ని సినిమాల్లో నటించి గుర్తింపు సంపాదించారు. అదే సమయంలో బాలీవుడ్ నటుడు సిద్ధార్థ్ రే తో ప్రేమలో పడి, 1999లో వివాహం చేసుకున్నారు.

పెళ్లి తర్వాత ఆమె స్వచ్ఛందంగా సినిమాలకు దూరమయ్యారు. ఎవరూ బలవంతం చేయలేదని, కుటుంబ జీవితంపై దృష్టి పెట్టాలనే ఉద్దేశంతోనే ఆ నిర్ణయం తీసుకున్నట్లు తెలిపారు. అయితే 2004లో ఆమె భర్త గుండెపోటుతో మరణించడంతో ఆమె తీవ్రంగా మానసికంగా కుంగిపోయారు. ఆ బాధ నుంచి బయటపడటానికి చాలా సమయం పట్టిందని చెప్పారు.

ముంబైలో ఎవరు లేక ఒంటరిగా ఉండాల్సి వచ్చిందని, ఆ సమయంలో తన తల్లి, అక్క, సోదరుడు తన పిల్లలకు అండగా నిలిచారని గుర్తుచేసుకున్నారు. చెన్నైకి రావాలని కుటుంబం చెప్పినా, తాను స్వతంత్రంగా నిలబడాలని ముంబైలోనే ఉండి జీవితాన్ని ముందుకు తీసుకెళ్లానని తెలిపారు.

కొంతకాలం తర్వాత మళ్లీ నటనపై ఆసక్తి పెంచుకుని, ధారావి బ్యాంక్ ద్వారా రీ ఎంట్రీ ఇచ్చారు. తాజాగా సినిమాలు, సోషల్ మీడియాలో కూడా యాక్టివ్‌గా ఉంటున్నారు. వ్యక్తిగత విషయాలను అభిమానులతో పంచుకుంటూ ఉంటారు.

గుండు లుక్‌లో కనిపించి అందరినీ ఆశ్చర్యపరిచారు. మహిళలు తమకు నచ్చిన విధంగా జీవించాలని సందేశం ఇచ్చారు. అలాగే గిరిజనులతో కలిసి నృత్యం చేసిన ఫోటోలు కూడా షేర్ చేయగా అవి వైరల్ అయ్యాయి.

ఇక తన కెరీర్‌లో వెంకటేష్‌ తో కలిసి నటించాలని కోరిక ఉన్నప్పటికీ అది నెరవేరలేదని చెప్పారు. ప్రస్తుతం ఆమె సెకండ్ ఇన్నింగ్స్‌ను కొనసాగిస్తున్నారు.

#Shanti Priya
సంబంధిత కథనాలు
Advertisment
తాజా కథనాలు