Dhurandhar 2: "ధురంధర్ 2" విజయంపై ఎట్టకేలకు స్పందించిన ఖాన్.. కానీ చిన్న ట్విస్ట్..!

Dhurandhar 2: “ధురంధర్”, “ధురంధర్: ది రివెంజ్” సినిమాలు భారీ విజయాన్ని సాధించాయి. దేశం దాటి విదేశాల్లో కూడా మంచి పేరు తెచ్చుకున్నాయి. ఈ విజయంపై బాలీవుడ్‌లోని ప్రముఖ ఖాన్లు - షారుఖ్ ఖాన్, సల్మాన్ ఖాన్, ఆమిర్ ఖాన్(Aamir Khan) మొదట్లో ఎలాంటి స్పందన ఇవ్వకపోవడం అందరినీ ఆశ్చర్యానికి గురి చేసింది.

ఇప్పుడు ఆ నిశ్శబ్దానికి తెరపడింది. ఇటీవల ఒక కార్యక్రమంలో పాల్గొన్న ఆమిర్ ఖాన్‌ను ఈ సినిమాల గురించి అడగగా ఆయన స్పందించాడు. “నేను ఇంకా ఈ సినిమాను చూడలేదు. కానీ చాలా మంచి రివ్యూస్ విన్నాను. ధురంధర్, ధురంధర్ 2 రెండూ చాలా బాగా ఆడాయి. ఆ టీంకి నా శుభాకాంక్షలు” అని తెలిపారు.

ఆమిర్ ఖాన్ ఇలా స్పందించడంతో ఈ సినిమాల అభిమానులు ఆనందం వ్యక్తం చేస్తున్నారు. అయినప్పటికీ, ఆయన స్వయంగా సినిమా చూసి తన అభిప్రాయం చెప్పాలని చాలా మంది కోరుకుంటున్నారు.

ఇంకా మిగతా ఖాన్లు కూడా ఈ సినిమాల విజయంపై స్పందిస్తారా లేదా అనేది ఆసక్తికరంగా మారింది.