Karunakaran: మరో బ్యూటిఫుల్ లవ్ స్టోరీ రెడీ చేసిన ఎ. కరుణాకరన్.. హీరో ఎవరంటే..?

Karunakaran: ఏ. కరుణాకరన్ మరోసారి కొత్త సినిమాతో ప్రేక్షకుల ముందుకు రాబోతున్నారు. ‘తొలి ప్రేమ’, ‘హ్యాపీ’, ‘డార్లింగ్’ వంటి హిట్ సినిమాలు ఇచ్చిన ఆయన, ఇప్పుడు యువ హీరో బెల్లంకొండ గణేష్‌తో కలిసి ఒక రొమాంటిక్ కామెడీ సినిమా చేస్తున్నారు.

ఈ సినిమా గోల్డెన్ టర్టిల్ ఎంటర్‌టైన్‌మెంట్స్ బ్యానర్‌పై మౌనికా రెడ్డి నిర్మిస్తున్నారు. ఇది ఆ సంస్థకు తొలి ప్రాజెక్ట్ కావడం ప్రత్యేకం. ఈ సినిమా ప్రారంభం సంప్రదాయ పూజ కార్యక్రమంతో జరిగింది. ప్రముఖ దర్శకుడు వి.వి. వినాయక్ మొదటి క్లాప్ ఇవ్వగా, రచయిత అనుదీప్ కె.వి కెమెరా ఆన్ చేసి, స్క్రిప్ట్ అందించారు.

Karunakar garu Meeku big hit avvalani korukuntunnaa andi..
all the best.
#BellamKondaGanesh#KV#GoldenTurtlepic.twitter.com/5kRXnsxb8X

— Premalatha_M (@MPremalatha4u) April 20, 2026

ఈ చిత్రానికి అనుదీప్ కె.వి కథతో పాటు డైలాగ్స్ కూడా అందిస్తున్నారు. ఆయన స్టైల్‌లో ఉండే సరదా హాస్యం ఈ సినిమాలో కనిపించనుంది. సంగీతం బాధ్యతలను భీమ్స్ సిసిరోలియో తీసుకున్నారు.

కరుణాకరన్ ఇప్పటి వరకు చేసిన సినిమాలు ఎక్కువగా ప్రేమ, కుటుంబ భావోద్వేగాలతో ఉండి ప్రేక్షకులను ఆకట్టుకున్నాయి. ‘తొలి ప్రేమ’ సినిమాకు నేషనల్ అవార్డు రావడం ఆయన కెరీర్‌లో ప్రత్యేకం. అలాగే ‘ఉల్లాసంగా ఉత్సాహంగా’ సినిమాకు నంది అవార్డు కూడా దక్కింది. ‘వాసు’, ‘డార్లింగ్’, ‘హ్యాపీ’ వంటి సినిమాలు కూడా మంచి పేరు తెచ్చాయి.

ఇప్పుడు ఎక్కువగా యాక్షన్ సినిమాలు వస్తున్న సమయంలో, కరుణాకరన్ మళ్లీ రొమాంటిక్ కామెడీతో రావడం ప్రేక్షకుల్లో ఆసక్తి పెంచుతోంది. కుటుంబంతో కలిసి చూసేలా ఉండే ఈ సినిమా మంచి వినోదాన్ని అందిస్తుందని భావిస్తున్నారు.

త్వరలోనే ఈ సినిమాకు సంబంధించిన పూర్తి నటీనటులు, టైటిల్, విడుదల తేదీ వివరాలు ప్రకటించనున్నారు.