Happy Birthday Trisha: హ్యాపీ బర్త్ డే సౌత్ క్వీన్ త్రిష.. 25 ఏళ్ల సినీ ప్రయాణం, 130 కోట్ల ఆస్తి!

Happy Birthday Trisha: కోలీవుడ్ స్టార్ హీరోయిన్ త్రిష తన 43వ సంవత్సరంలోకి అడుగుపెడుతోంది. ఈ ప్రత్యేక రోజున ఆమె జీవితం, కెరీర్, సంపాదన, ఆస్తుల గురించి ఆసక్తికర విషయాలు తెలుసుకుందాం. దాదాపు 25 సంవత్సరాలుగా సినీ ఇండస్ట్రీలో స్టార్ హీరోయిన్‌గా కొనసాగుతున్న త్రిష, సౌత్ ఇండియాలో టాప్ హీరోయిన్లలో ఒకరిగా నిలిచింది.

Wishing the ever gorgeous @trishtrashers 😍, a very happy birthday! #SunTV#Trisha#HappyBirthdayTrisha#HBDTrishapic.twitter.com/jJUliDexuw

— Sun TV (@SunTV) May 4, 2026

త్రిష పూర్తి పేరు త్రిష కృష్ణన్. ఆమె 1983 మే 4న చెన్నైలో జన్మించారు. తండ్రి కృష్ణన్, తల్లి ఉమా దంపతుల ఏకైక కుమార్తె. చెన్నైలోని చర్చ్ పార్క్ స్కూల్‌లో చదువు పూర్తిచేసి, ఎథిరాజ్ కాలేజీలో బిబిఏ చేశారు. మొదట్లో సినిమాల్లోకి రావాలని అనుకోలేదు.

మోడలింగ్ నుంచి సినిమాలకు

కాలేజీ సమయంలోనే మోడలింగ్‌లోకి అడుగుపెట్టిన త్రిష 1999లో మిస్ సేలం, మిస్ మద్రాస్ టైటిల్స్ గెలుచుకున్నారు. ఒక జ్యువెల్లరీ యాడ్ ఆమె జీవితాన్ని మార్చేసింది. ఆ యాడ్‌లో ఆమె స్నేహితురాలిగా సమంత నటించడం కూడా ఒక ప్రత్యేక విషయం. తర్వాత సిమ్రన్ స్నేహితురాలిగా “జోడీ” సినిమాలో చిన్న పాత్రతో సినిమాల్లోకి వచ్చారు.

Happy Birthday Trisha

తర్వాత “మౌనం పేసియాధే” సినిమాతో హీరోయిన్‌గా గుర్తింపు పొందారు. ఆ తర్వాత తమిళ సినిమాల్లో వరుస అవకాశాలు వచ్చాయి. “లేసా లేసా” సినిమాతో హీరోయిన్‌గా ఫిక్స్ అయ్యారు.

తెలుగులో ఆమెకు పెద్ద బ్రేక్ ఇచ్చిన సినిమా “ఒక్కడు”. తమిళంలో అదే సినిమా “గిల్లి”గా విజయ్‌తో కలిసి నటించారు. ఈ సినిమా ఆమె కెరీర్‌ను పూర్తిగా మార్చేసింది. “సామి”, “అలై”, “ఎనక్కు 20 ఉనక్కు 18”, “సంథింగ్ సంథింగ్” వంటి సినిమాలతో కూడా మంచి పేరు తెచ్చుకున్నారు.

విజయ్‌తో కలిసి “తిరుప్పాచ్చి”, “ఆది”, “గురువు”, “లియో” వంటి సినిమాల్లో నటించి భారీ విజయాలు అందుకున్నారు. అలాగే అజిత్‌తో “క్రీడం”, “మంకాథా”, “ఎన్నై అరిందాల్”, “విడాముయార్చి”, “గుడ్ బ్యాడ్ అగ్లీ” వంటి సినిమాల్లో నటించారు. రజనీకాంత్‌తో “పేట” సినిమాలో కూడా కనిపించారు.

“96” సినిమాలో జానుగా ఆమె నటన చాలా పేరు తెచ్చింది. అలాగే “పొన్నియిన్ సెల్వన్”లో కుందవై పాత్రతో మరోసారి గుర్తింపు పొందారు.

తెలుగు సినిమాలు

త్రిష తెలుగులో “నీ మనసు నాకు తెలుసు” సినిమాతో పరిచయం అయ్యారు. తర్వాత “అతడు”, “పౌర్ణమి”, “వర్షం”, “నువ్వొస్తానంటే నేనొద్దంటానా”, “ఆడవారి మాటలకు అర్థాలే వేరులే”, “సైనికుడు”, “స్టాలిన్”, “లయన్”, “దమ్ము” వంటి ఎన్నో హిట్ సినిమాల్లో నటించారు.

లైఫ్‌స్టైల్

త్రిషకు యోగా, పెంపుడు జంతువులు, విదేశీ ప్రయాణాలు అంటే చాలా ఇష్టం. ఆమె చాలా సింపుల్ లైఫ్‌స్టైల్‌తో ఉంటారు. సినిమాల్లో గ్లామర్ మాత్రమే కాకుండా నటనకు కూడా ప్రాధాన్యం ఇస్తూ ఇప్పటికీ స్టార్ హీరోయిన్‌గా కొనసాగుతున్నారు.

ఆస్తులు, సంపాదన

త్రిష సౌత్ ఇండియాలో టాప్ రిచ్ హీరోయిన్లలో ఒకరు. ఆమె మొత్తం ఆస్తి సుమారు రూ.130 కోట్లు వరకు ఉంటుందని అంచనా. ఒక్కో సినిమాకు సుమారు రూ.12 కోట్లు వరకు రెమ్యునరేషన్ తీసుకుంటున్నారు.

చెన్నై, హైదరాబాద్‌లలో ఆమెకు లగ్జరీ ఇళ్లు ఉన్నాయి. వాటి విలువ సుమారు రూ.16 కోట్లు వరకు ఉంటుంది. అలాగే బెంజ్, బీఎండబ్ల్యూ, రేంజ్ రోవర్ వంటి ఖరీదైన కార్లు కూడా ఆమె వద్ద ఉన్నాయి.

హీరోలతో సమానంగా రెండు దశాబ్దాలకు పైగా ఇండస్ట్రీలో కొనసాగుతున్న త్రిష, ఇప్పటికీ స్టార్ హీరోయిన్‌గా తన స్థానాన్ని నిలబెట్టుకుంది. సింప్లిసిటీ, టాలెంట్, డెడికేషన్ ఆమెను ప్రత్యేకంగా నిలిపాయి.