AP: సచివాలయంలో స్వల్ప ఉద్రిక్తత.. చంద్రబాబు, పవన్ ఫొటో ఏర్పాటు విషయంలో వివాదం..!

Nandyala: నంద్యాల జిల్లా నూనేపల్లె 29వ వార్డు సచివాలయంలో స్వల్ప ఉద్రిక్తత చోటుచేసుకుంది. సచివాలయంలో సీఎం చంద్రబాబు, డిప్యూటీ సీఎం పవన్ కళ్యాణ్ ఫొటోలు పెట్టేందుకు వెళ్లిన టీడీపీ, జనసేన నాయకులను చైర్ పర్సన్ మాబున్నిస అడ్డుకున్నారు. దీంతో 29 వార్డు టీడీపీ ఇన్చార్జి సుబ్బరాయుడు, మాబున్నిసాల మధ్య వాగ్వివాదం చోటుచేసుకుంది.

Also read: పోరంబోకు స్థలంలో నిర్మించారు.. ప్రభుత్వంపై గుడివాడ అమర్నాథ్ ఫైర్..!

రంగప్రవేశం చేసిన పోలీసులు గొడవను సద్దుమణిగేలా చేశారు. అనంతరం 29 వార్డు టీడీపీ ఇన్చార్జి సుబ్బరాయుడు చైర్ పర్సన్ మాబున్నిసపై త్రీ టౌన్ పోలీస్ స్టేషన్ లో పిర్యాదు చేశారు. కాగా, అన్ని ప్రభుత్వ కార్యాలయాల్లో సీఎం, డిప్యూటీ సీఎం ఫొటోలు ఏర్పాటు చేయాలని చంద్రబాబు ఆదేశాలు జారీ చేసిన సంగతి తెలిసిందే.