RK Roja Daughter: తల్లికి మించిన కూతురు.. అన్షు మాలికకు అమెరికా యూనివర్సిటీలో ప్రతిష్టాత్మక అవార్డ్‌!

RK Roja Daughter: మాజీ మంత్రి ఆర్.కె. రోజా R.K. Roja తన కుమార్తె అన్షు మాలిక సాధించిన గొప్ప విజయాన్ని సోషల్ మీడియాలో పంచుకున్నారు. అమెరికాలో చదువుకుంటున్న అన్షు మాలికకు ప్రతిష్టాత్మక హెర్మన్ బి వెల్స్ అవార్డు లభించడంతో కుటుంబంలో ఆనందం వెల్లివిరిసింది.

అన్షు మాలిక ప్రస్తుతం అమెరికాలోని ఇండియానా యూనివర్సిటీలో కంప్యూటర్ సైన్స్ చదువుతున్నారు. విద్యలో చూపిన అత్యుత్తమ ప్రతిభకు గానూ ఆమెకు ఈ గౌరవం దక్కింది. ఈ అవార్డు ప్రతి సంవత్సరం ఒక ఉత్తమ విద్యార్థికి మాత్రమే అందిస్తారు.

From dreams to destiny… 🫶

Our little girl has made history at @IndianaUniv by winning the prestigious Herman B Wells Award (2026).

What started as a small dream is now a moment of immense pride for us and an inspiration for many.

Your hard work, dedication, and courage have… pic.twitter.com/OCK09Y6P6F

— Roja Selvamani (@RojaSelvamaniRK) April 19, 2026

ఈ సందర్భంగా రోజా భావోద్వేగంగా స్పందిస్తూ, “ఒక చిన్న కలగా మొదలైన ప్రయాణం ఇప్పుడు గర్వంగా మారింది. నీ కష్టం, శ్రమ, ధైర్యం నిన్ను ఈ స్థాయికి తీసుకొచ్చాయి. ఇది కేవలం ఆరంభం మాత్రమే” అని అన్నారు. అలాగే ఆమె కుమార్తెపై గర్వంగా ఉందని తెలిపారు.

అన్షు మాలిక ఇప్పటికే 2024లో నైజీరియాలో జరిగిన గ్లోబల్ ఎంటర్‌ప్రెన్యూర్‌షిప్ ఫెస్టివల్‌లో సోషల్ ఇంపాక్ట్ విభాగంలో అవార్డు కూడా అందుకున్నారు. చిన్న వయసు నుంచే చదువులో ఆసక్తి చూపిన ఆమె ఏడేళ్ల వయసులోనే కోడింగ్ నేర్చుకోవడం ప్రారంభించారు.

ఆమె కేవలం చదువులోనే కాకుండా సామాజిక సేవలో కూడా చురుకుగా ఉంటున్నారు. హైదరాబాద్‌లో ఛీర్స్ ఫౌండేషన్ ద్వారా పిల్లల విద్యకు సహాయం చేస్తున్నారు. అలాగే వెబ్ డెవలప్‌మెంట్, కోడింగ్‌లో కూడా నైపుణ్యం సాధిస్తున్నారు.

అన్షు తల్లి బాటలో సినిమాల్లోకి రాకుండా, శాస్త్రవేత్త కావాలనే లక్ష్యంతో ముందుకు సాగుతున్నారు. “ఫ్లేమ్ ఇన్ మై హార్ట్” అనే పుస్తకాన్ని కూడా ఆమె రాశారు.

హెర్మన్ బి వెల్స్ అవార్డు ఇండియానా యూనివర్సిటీ మాజీ అధ్యక్షుడు హెర్మన్ బి వెల్స్ గౌరవార్థం ఇస్తారు. విద్య, నాయకత్వం, సేవ రంగాల్లో అత్యుత్తమ ప్రతిభ చూపిన విద్యార్థులకు ఈ అవార్డు అందజేస్తారు. ఈ గౌరవం పొందిన వారి పేరు యూనివర్సిటీలో శాశ్వతంగా నిలుపుతారు.

ఈ విజయంతో అన్షు మాలికకు ప్రపంచ స్థాయి గుర్తింపు లభించింది. కుటుంబం, అభిమానులు ఆమె భవిష్యత్తు మరింత గొప్పగా ఉండాలని ఆశిస్తున్నారు.