Ap: ఏపీ విద్యార్థుల యూనిఫామ్‌ ,బ్యాగులు మారాయి!

Ap: ఏపీ ప్రభుత్వం స్కూల్ విద్యార్థులకు తీపికబురు చెప్పింది. వచ్చే విద్యా సంవత్సరం నుంచి అందించనున్న సర్వేపల్లి రాధాకృష్ణన్‌ విద్యార్థి మిత్ర కిట్టుకు సంబంధించి ఓ  కీలక నిర్ణయం తీసుకుంది. ఈ కిట్‌లో ఇచ్చే యూనిఫామ్, బెల్టులు, బ్యాగ్‌ల రంగులను ప్రభుత్వం మార్చింది. ఇకపై ఈ కిట్‌లోని వస్తువులపై రాజకీయ పార్టీలకు సంబంధించిన రంగులు, రాజకీయ నేతల బొమ్మలు లేకుండా వీటిని తయారు చేసినట్లు అధికారులు తెలిపారు.

Also  Read: AP: రైల్వే గుడ్‌ న్యూస్‌..ఇక నుంచి ఈ స్టేషన్లలో కూడా ఆ రైళ్లు ఆగుతాయి!

కిట్‌లోని బెల్టుల అంచులకు నలుపు రంగు, మధ్యలో తెలుపు రంగు ఉంటుంది.గతంలో స్కూల్ బిద్యార్థులకు అందజేసిన బెల్టులపై విద్యాకానుక అని రాయగా.. ఈసారి కేవలం ప్రత్యేకంగా రూపొందించిన లోగోను మాత్రమే వేస్తారు. ఈ లోగో గ్రాడ్యుయేట్‌ బొమ్మతో ఉంటుంది. ఇక బ్యాగ్‌లు లేత ఆకుపచ్చ రంగులో ఉన్నవాటిని ప్రభుత్వం ఎంపిక చేసింది. యూనిఫామ్‌ విషయానికి వస్తే.. లేత ఆకుపచ్చ, గులాబీ రంగు పెద్ద గడుల చొక్కా, లేత ఆకుపచ్చ రంగు ప్యాంట్‌తో విద్యార్థులకు అందించనున్నారు.

Also Read: Techie Suicide: ఆత్మహత్యకు ముందు స్నానం..వందసార్లు శివనామస్మరణ

వచ్చే ఏడాది జూన్‌ 12న బడులు తెరిచే రోజే విద్యార్థులకు వీటిని అందించేందుకు ఇప్పటి నుంచే ప్రభుత్వం ఏర్పాట్లు చేస్తోంది. ఈ మేరకు త్వరలో టెండర్లు కూడా పిలవనున్నారు. వచ్చే విద్యా సంవత్సరం కోసం ముందుగానే ఏర్పాట్లు చేస్తోంది. స్కూల్ విద్యార్థుల యూనిఫామ్‌కుట్టుకూలి డబ్బుల్ని కూడా ఇవ్వాలని ప్రభుత్వం నిర్ణయించింది. 1 నుంచి 8 తరగతుల విద్యార్థులకు రూ. 120 ఇవ్వగా.. అదే 9 నుంచి 10 తరగతుల వారికి రూ. 240ను ప్రభుత్వం అందజేస్తుంది.

Also Read: TTD: తిరుమల సుప్రభాత సేవలో మార్పులు..ఎప్పటి నుంచి అంటే!

ప్రభుత్వం అందించే ఈ సర్వేపల్లి రాధాకృష్ణన్‌ విద్యార్థి మిత్ర పథకం కిట్‌లో.. టెక్స్ట్ బుక్స్, నోటు బుక్స్, వర్క్‌ బుక్స్, డిక్షనరీ, బెల్ట్, షూస్, బ్యాగ్, మూడు జతల యూనిఫామ్ లు ఉంటాయి. ఒక్కో కిట్ ఇవ్వడానికి రూ. 1858.50 అవుతుందని అధికారులు అంచనా వేశారు.గత ప్రభుత్వ హయాంలో ఇచ్చిన కిట్‌ల విషయంలో విమర్శలు వచ్చాయి. ముఖ్యంగా బ్యాగ్‌లు, షూస్ నాణ్యత సరిగా లేదని కొందరు ఫిర్యాదు చేసిన సంగతి తెలిసిందే.

Also Read: Vangalapudi Anitha: ఏపీ హోంమంత్రి అనితకు హైకోర్టులో బిగ్ రిలీఫ్

బ్యాగ్‌లలో నాణ్యత లేకపోవడంతో ఎక్కువ బుక్స్ పెడితే తెగిపోయాయి. కూటమి ప్రభుత్వం ఆ తప్పు జరగకుండా జాగ్రత్తలు తీసుకుంటోంది. నాణ్యమైన బ్యాగులు, యూనిఫామ్, ఇతర వస్తువుల్ని అందజేయనుంది.