ఖమ్మం రూరల్ మండలం కరుణగిరి పరిసరాలలోని రాజీవ్ స్వగృహ వరద ముంపు ప్రాంతాల్లో కలెక్టర్ ముజమ్మిల్ ఖాన్, పోలీస్ కమిషనర్ సునీల్ దత్ పర్యటించారు. అక్కడి పరిస్థితులను పరిశీలించి అధికారులకు సూచనలు చేశారు. బాధితులతో మాట్లాడి భరోసానిచ్చారు.
వరదప్రభావిత ప్రాంతాలను పరిశీలించేందుకు ఖమ్మం బయలుదేరిన సీఎం రేవంత్ రెడ్డి నాయకన్ గూడెం చేరుకున్నారు. అక్కడ సీఎంకు డిప్యూటీ సీఎం భట్టి, మంత్రులు పొంగులేటి, ఉత్తమ్, ఎంపీ రఘురామిరెడ్డి స్వాగతం పలికారు. పాలేరు వద్ద తెగిన నాగార్జున సాగర్ ఎడమ కాలువను పరిశీలించారు.
ఎడతెరిపిలేని వర్షాలతో భారీ వరదకు ఇంటికన్నె-కేసముద్రం మధ్య రైల్వే ట్రాక్ కొట్టుకుపోయింది. యుద్ధప్రాతిపదికన మరమ్మతులు చేపట్టిన రైల్వే అధికారులు 300 మంది కార్మికులతో పనిలో నిమగ్నమయ్యారు. మంగళవారం మధ్యాహ్నం వరకు రైళ్ల రాకపోకలను పునరుద్ధరించనున్నట్లు తెలుస్తోంది.
భారీ వర్షాలతో ఖమ్మం జిల్లా తీవ్రంగా ప్రభావితమైంది.ఈ క్రమంలో సహాయ కార్యక్రమాల్లో పాల్గొనేందుకు వెళ్తున్న మంత్రి పొంగులేటి శ్రీనివాస రెడ్డి గాయపడ్డారు.వరదలో చిక్కుకున్న బాధితులను పరామర్శించేందుకు ద్విచక్ర వాహనంపై ఆయన బయల్దేరగా.... మంత్రి ప్రమాదవశాత్తు బైక్పై నుంచి కింద పడ్డారు.
ఖమ్మం జిల్లాలో వరద ప్రభావిత ప్రాంతాలను పరిశీలించడానికి సీఎం రేవంత్ రెడ్డి రోడ్డు మార్గంలో బయలుదేరారు. జిల్లా మంత్రులతో కలిసి వరద బాధితలను రేవంత్ పరామర్శించనున్నారు. ఈ రోజు రాత్రి ఆయన ఖమ్మంలోనే ఉండనున్నారు.
కృష్ణానదికి ఉపనది అయిన మున్నేరుకు వరద వచ్చింది. దాదాపు 30 ఏళ్ల తరువాత తీవ్రమైన వరద రావడంతో ఖమ్మం నగరంలో చాలా ప్రాంతాలు మునిగిపోయాయి. మున్నేరుకు రిటైనింగ్ వాల్ నిర్మాణం చేయకపోవడం, వరద పరిస్థితిపై ప్రజలను అప్రమత్తం చేయకపోవడంతో దారుణ పరిస్థితులు ఏర్పడ్డాయి.
మహబూబాబాద్ జిల్లాలో ఆకేరు వాగును దాటే క్రమంలో కారు గల్లంతు కావడంతో.. యువ వ్యవసాయ శాస్త్రవేత్త అశ్విని సహా ఆమె తండ్రి గల్లంతయ్యారు. వారి మృతదేహాలను సహాయక బృందాలు వెలికితీశాయి.
భారీ వర్షాల వల్ల హైదరాబాద్-విజయవాడ జాతీయ రహదారి పై రాకపోకలు నిలిచిపోయాయి. పాలేరు వాగు ఉధృతంగా ప్రవాహిస్తుండడంతో సూర్యాపేట- ఖమ్మం, హైదరాబాద్ నుంచి కోదాడ మీదుగా విజయవాడ వెళ్లే వాహనాలను అధికారులు దారి మళ్లిస్తున్నారు. సూర్యాపేట నుంచి ఖమ్మం వెళ్లే వాహనాలను నిలిపివేశారు.
ఖమ్మంలోని ప్రకాశ్ నగర్ బ్రిడ్జిపై వరద నీటిలో చిక్కుకున్న తొమ్మిది మంది సురక్షితంగా బయటకు వచ్చారు. మున్నేరు వాగు చూసేందుకు వెళ్లిన తొమ్మిది మంది ఆదివారం సాయంత్రం బ్రిడ్జిపై చిక్కుకుపోయారు.స్థానికులు ఏర్పాటు చేసిన జేసీబీల సాయంతో మరోవైపు నుంచిబయటకు వచ్చారు
/rtv/media/post_attachments/wp-content/uploads/2024/09/FotoJet-6.jpg)
/rtv/media/post_attachments/wp-content/uploads/2024/09/Khammam-floods-.jpg)
/rtv/media/post_attachments/wp-content/uploads/2024/09/CM-Revanth-reddy-2.jpg)
/rtv/media/post_attachments/wp-content/uploads/2024/09/FotoJet-1-1.jpg)
/rtv/media/post_attachments/wp-content/uploads/2024/09/ponguleti.jpg)
/rtv/media/post_attachments/wp-content/uploads/2024/09/Revanth-khammam-floods-.jpg)
/rtv/media/post_attachments/wp-content/uploads/2024/09/Munneru-Floods.jpg)
/rtv/media/post_attachments/wp-content/uploads/2024/09/khammam.jpg)
/rtv/media/post_attachments/wp-content/uploads/2024/09/highway.jpg)
/rtv/media/post_attachments/wp-content/uploads/2024/09/jcb.jpg)
