ఎన్నికల నేపథ్యంలో కొందరు విపక్ష నేతలు ఇష్టారీతిన మాట్లాడుతున్నారని మంత్రి హరీష్ రావు ఆగ్రహం వ్యక్తం చేశారు. ఒకరు చెప్పుతో కొట్టాలని చేసిన కామెంట్స్ని ఉటంకించిన మంత్రి.. వారిని బూటుతో కొట్టాలని తాను అనగలనని రివర్స్ కౌంటర్ ఇచ్చారు. కాకపోతే సంస్కారం అడ్డొస్తోందన్నారు.
మంత్రి సబితా ఇంద్రారెడ్డి అనుచరుడు ప్రదీప్ రెడ్డి ఇంట్లో ఐటీ అధికారుల సోదాలు ముగిశాయి. రెడ్డి ల్యాబ్ డైరెక్టర్ కోట్ల నరేందర్ రెడ్డి ఇంట్లో జరిపిన సోదాల్లో రూ. 7.50 కోట్ల నగదును స్వాధీనం చేసుకున్నారు అధికారులు. ఎన్నికల కోసమే వీటిని ఏర్పాటు చేసినట్లు గుర్తించారు అధికారులు.
హయత్నగర్లో అర్థరాత్రి అలజడి రేగింది. కాంగ్రెస్ అభ్యర్థి మధుయాష్కి గెస్ట్ హౌస్లో తనిఖీలు చేశారు పోలీసులు. సోదాల్లో రూ. 5.5 లక్షల నగదును గుర్తించి సీజ్ చేశారు. లెక్కలు చెప్పాలని మధుయాష్కిని కోరారు. ఇది ఎమ్మెల్యే సుధీర్ రెడ్డి పనే అని కాంగ్రెస్ శ్రేణులు ఆరోపిస్తున్నాయి.
అచ్చంపేట ఎమ్మెల్యే గువ్వల బాలరాజుపై మరోసారి అటాక్ జరిగింది. ఎన్నికల ప్రచారంలో పాల్గొన్న ఆయనపై ఓ వ్యక్తి మట్టి పెళ్లను విసిరాడు. ఈ దాడి కాంగ్రెస్ వాళ్ల పనే అంటూ బాలరాజు, బీఆర్ఎస్ కార్యకర్తలు ఆరోపిస్తున్నారు. మతిస్థిమితం లేని వ్యక్తి దాడి చేసినట్లు కొందరు చెబుతున్నారు.
మంత్రి మల్లారెడ్డి మరో వివాదంలో చిక్కుకున్నారు. ఎన్నికల నామినేషన్ల సందర్భంగా ఆయన సమర్పించిన అఫిడవిట్ తప్పుల తడకగా ఉందంటూ ఎన్నికల అధికారులకు కంప్లైంట్ ఇచ్చారు పలువురు. ఒకే సంవత్సరం 3 కాలేజీల్లో ఇంటర్ చదివినట్లు పేర్కొన్నారని ఆరోపించారు.
తెలంగాణ ఎన్నికల ప్రక్రియలో నామినేషన్ల పరిశీలన పూర్తయ్యింది. మొత్తం 119 నియోజకవర్గాల్లో 4,798 మంది అభ్యర్థులు నామినేషన్ల వేయగా.. 608 మంది అభ్యర్థుల నామినేషన్లు తిరస్కరణకు గరైనట్లు ఎన్నికల సంఘం తెలిపింది.
తెలంగాణ ఎన్నికల ప్రచారం ఇక మరింత రసవత్తరంగా మారనుంది. ప్రధాన పార్టీలకు చెందిన జాతీయ నేతలు రాష్ట్రానికి క్యూ కడుతున్నారు. నవంబర్ 17వ తేదీన అమిత్ షా, రాహుల్ గాంధీలు వస్తున్నారు. బీజేపీ సభల్లో షా, కాంగ్రెస్ సభల్లో రాహుల్ గాంధీ పాల్గొననున్నారు.
తెలంగాణ ఎన్నికల్లో 119 నియోజకవర్గాలకు 4,798 మంది అభ్యర్థులు 5,716 నామినేషన్లు దాఖలు చేశారు. అత్యధికంగా సీఎం పోటీ చేస్తున్న గజ్వేల్, కామారెడ్డి, మంత్రి మల్లారెడ్డి పోటీ చేస్తున్న మేడ్చల్ నియోజకవర్గంలో ఫైల్ అయ్యాయి.
రంగారెడ్డి జిల్లా భీమారం గ్రామంలో కేటుగాళ్లు రెచ్చిపోయారు. గుప్త నిధుల కోసం ఎంతో భక్తి శ్రద్ధలతో కొలిచే పురాతన విగ్రహం తొలగించి ముక్కలు ముక్కలుగా చేశారు. ఇది గుర్తించిన గ్రామస్తులు.. ఘటనపై ఆగ్రహం వ్యక్తం చేస్తున్నారు. ఘటనపై పోలీసులకు ఫిర్యాదు చేశారు.
/rtv/media/post_attachments/wp-content/uploads/2023/11/Mahabubnagar-Leaders-Assets-jpg.webp)
/rtv/media/post_attachments/wp-content/uploads/2023/10/Harish-rao-2-1-jpg.webp)
/rtv/media/post_attachments/wp-content/uploads/2023/11/Sabitha-Indra-Reddy-1-jpg.webp)
/rtv/media/post_attachments/wp-content/uploads/2023/11/Madhu-Yashki-jpg.webp)
/rtv/media/post_attachments/wp-content/uploads/2023/11/Guvvala-Balaraju-jpg.webp)
/rtv/media/post_attachments/wp-content/uploads/2023/11/Malla-Reddy-jpg.webp)
/rtv/media/post_attachments/wp-content/uploads/2023/11/Telangana-Nominations-jpg.webp)
/rtv/media/post_attachments/wp-content/uploads/2023/11/Amit-Shah-vs-Rahul-Gandhi-jpg.webp)
/rtv/media/post_attachments/wp-content/uploads/2023/11/Telangana-Elections-1-jpg.webp)
/rtv/media/post_attachments/wp-content/uploads/2023/11/Hidden-Treasure-jpg.webp)
