IPL 2026: నేటి నుంచే ఐపీఎల్-19 షురూ.. ఈ సారి అంతకుమించి!

IPL 2026: ప్రపంచ క్రికెట్ అభిమానులు ఎంతో ఆసక్తిగా ఎదురుచూసే ఐపీఎల్ మళ్లీ ప్రారంభమైంది. ప్రతి సంవత్సరం లాగే ఈ సారి కూడా ఐపీఎల్ అభిమానుల్లో ఇది పెద్ద ఎత్తున ఉత్సాహాన్ని తీసుకొచ్చింది. ఈ సీజన్ మరింత హడావుడిగా, ఇంట్రెస్టింగ్ గా ఉండనుంది. పెద్ద స్కోర్లు, వేగంగా మారే ఆటతీరు, కొత్త తరం ఆటగాళ్ల ప్రభావం అన్ని కలిసి ఈ లీగ్‌ను మరింత ఆసక్తికరంగా మార్చనున్నాయి.

19వ ఐపీఎల్ సీజన్ నేడు ప్రారంభమవుతోంది. మొదటి మ్యాచ్‌లో Royal Challengers Bengaluru VS Sunrisers Hyderabad (RCB vs SRH)జట్లు బెంగళూరులోని ఎం. చిన్నస్వామి స్టేడియంలో తలపడనున్నాయి. ఈ టోర్నమెంట్ దాదాపు రెండు నెలల పాటు సాగి మే 31న ఫైనల్‌తో ముగుస్తుంది. మొత్తం 74 మ్యాచ్‌లు ఉండగా, అందులో 70 లీగ్ మ్యాచ్‌లు.

ఫార్మాట్ ఎలా ఉంటుంది?

2022 నుంచి ఉన్న ఫార్మాట్‌నే ఈసారి కూడా కొనసాగిస్తున్నారు. 10 జట్లను రెండు గ్రూపులుగా విభజించారు. ప్రతి జట్టు 14 మ్యాచ్‌లు ఆడుతుంది. లీగ్ ముగిసిన తర్వాత టాప్-4 జట్లు ప్లే ఆఫ్స్‌కు వెళ్తాయి.

• టాప్ 2 జట్లు క్వాలిఫయర్-1
• 3, 4 స్థానాల్లో ఉన్న జట్లు ఎలిమినేటర్
• చివరకు విజేతలు ఫైనల్‌లో తలపడతారు

ఇప్పటి ఐపీఎల్‌లో ఆట వేగంగా మారుతోంది. ఒక్కో బంతిని కూడా వదిలిపెట్టడం లేదు. ముందుగా నెమ్మదిగా ఆడే బ్యాటర్లకు ఇప్పుడు అవకాశం తక్కువ. అందుకే విరాట్ కోహ్లీ Virat Kohli లాంటి ఆటగాళ్లు కూడా తమ స్టైల్ మార్చుకుని వేగంగా పరుగులు చేయడం ప్రారంభించారు.

టీమ్‌లు కూడా ఇప్పుడు కొత్తగా ప్లాన్ చేస్తున్నాయి. ఆల్‌రౌండర్లకు ఎక్కువ ప్రాధాన్యం పెరిగింది. బ్యాటింగ్ లైనప్ ఇప్పుడు 7-8 స్థానాల వరకు బలంగా ఉంటుంది. దీంతో బౌలర్లకు సవాలు పెరిగింది.

భారీ స్కోర్ల దూకుడు

గత కొన్ని సీజన్లుగా స్కోర్లు చాలా పెరిగాయి. 200 స్కోరు సాధారణమైంది. 250 కూడా తరచుగా వస్తోంది. Sunrisers Hyderabad 287 పరుగులు చేసి రికార్డు సృష్టించింది. ఇప్పుడు అందరూ 300 స్కోరు ఎప్పుడొస్తుందా అని ఎదురు చూస్తున్నారు.

సాధారణంగా ఐపీఎల్ ప్రారంభానికి ముందు భారీ వేడుకలు జరుగుతాయి. కానీ ఈసారి అలాంటివి ఉండవు. గత ఏడాది జరిగిన ప్రమాదంలో ప్రాణాలు కోల్పోయిన అభిమానులకు గౌరవంగా ఈ నిర్ణయం తీసుకున్నారు.

ఈసారి అన్ని జట్లకు భారత ఆటగాళ్లే కెప్టెన్లు కావడం ప్రత్యేకం. ఉదాహరణకు:

• Hardik Pandya - ముంబై ఇండియన్స్
• Ruturaj Gaikwad - చెన్నై సూపర్ కింగ్స్
• Shubman Gill - గుజరాత్ టైటాన్స్
• Rajat Patidar - ఆర్సీబీ

ధోనీకి చివరి సీజన్?

MS ధోనీ MS Dhoni కి ఇది చివరి ఐపీఎల్ అయ్యే అవకాశం ఉంది. ఆయన బ్యాటింగ్ చూడటానికి అభిమానులు స్టేడియాలకు పెద్ద ఎత్తున వచ్చే అవకాశం ఉంది. ఒక్క బౌండరీ కొట్టినా స్టేడియం మార్మోగిపోతుంది. ఆర్సీబీ, హైదరాబాద్ జట్లకు బౌలింగ్‌లో కొంత బలహీనత ఉంది. ఆర్సీబీకి ముఖ్య బౌలర్లు గాయాల వల్ల దూరమయ్యారు. హైదరాబాద్‌కు Pat Cummins అందుబాటులో లేడు. కానీ బ్యాటింగ్ మాత్రం రెండు జట్లలో బలంగా ఉంది.

గతంలో ఎక్కువ టైటిల్స్ గెలిచిన జట్లు:

• Mumbai Indians
• Chennai Super Kings
• Kolkata Knight Riders ఈసారి మళ్లీ ట్రోఫీ గెలవాలని చూస్తున్నాయి.

ప్రతి సీజన్ లాగే ఈసారి కూడా కొత్త ఆటగాళ్లు మెరుస్తారని ఆశిస్తున్నారు. వాళ్లు మంచి ప్రదర్శనతో జాతీయ జట్టులో చోటు సంపాదించాలనుకుంటున్నారు.

అన్ని సీజన్లు ఆడిన ఆటగాళ్లు

2008 నుంచి ఇప్పటి వరకు ప్రతి సీజన్ ఆడుతున్న ఆటగాళ్లు:

• MS Dhoni
• Virat Kohli
• Rohit Sharma

ఎండాకాలం ఎండలతో కష్టంగా అనిపించినా, క్రికెట్ అభిమానులకు ఇది పండగ సమయం అని చెప్పొచ్చు. సాయంత్రం అయ్యేసరికి ఫోర్లు, సిక్సర్ల వర్షం మొదలవుతుంది. దేశం మొత్తం ఐపీఎల్ మూడ్‌లోకి వెళ్తుంది. ఈ సీజన్‌లో ఎవరు విజేతగా నిలుస్తారో మే 31న తెలుస్తుంది. అప్పటివరకు ప్రతి మ్యాచ్ ఉత్కంఠగా సాగడం మాత్రం ఖాయం.