Hebah Patel: మరో కొత్త ప్రాజెక్ట్ కు హెబ్బా గ్రీన్ సిగ్నల్

Hebah Patel: యంగ్ బ్యూటీ హెబ్బా పటేల్ ప్రస్తుతం వరుస సినిమాలతో దూసుకెళ్తోంది. డిఫరెంట్ జానర్ సినిమాలను ఎంచుకుంటూ ప్రేక్షకులను మెప్పిస్తోంది. రీసెంట్ గా  'ఈషా'  సినిమాతో భయపెట్టిన  ఈ ముద్దుగుమ్మ ఇప్పుడు మరో కామెడీ ఎంటర్ టైనర్ తో అలరించేందుకు సిద్ధమైంది. తాజాగా ఈ కొత్త సినిమాకు సంబంధించిన వివరాలను మేకర్స్ ప్రకటించారు. 

‘దర్జా’ ఫేమ్ డైరెక్టర్ తో 

అర్జున్ అర్జున్ ఆర్ట్స్ సమర్పణలో చిత్రాలయ క్రియేషన్స్ బ్యానర్ ఈ చిత్రాన్ని రూపొందిస్తోంది. ‘దర్జా’ సినిమాతో  ఆకట్టుకున్న సలీం మాలిక్ దీనికి దర్శకత్వం వహిస్తున్నారు. ఎం. సమీర్ సంగీతం అందిస్తున్నారు.  విష్ణు పానికర్ సినిమాటోగ్రాఫర్ గా పనిచేస్తున్నారు. ప్రేక్షకులకు కొత్త ఎక్స్‌పీరియెన్స్ అందించాలని ఒక డిఫరెంట్ కాన్సెప్ట్ తో మాలిక్ ఈ చిత్రాన్ని రూపొందిస్తున్నట్లు తెలిపారు.  మేకర్స్ కూడా భారీ బడ్జెట్ తో దీనిని నిర్మిస్తున్నట్లు సమాచారం.  ప్రస్తుతం ప్రీ ప్రొడక్షన్ పనుల్లో బిజీగా ఉన్న ఈ చిత్రం త్వరలోనే పట్టాలెక్కనుంది. సినిమాలోని ఇతర నటీనటుల గురించి త్వరలోనే వెల్లడించనున్నారు.